ជីវិតកម្សាន្ដ

ក្រុមចម្រៀងថ្មី BABYMONSTER របស់ YG មានសមាជិកជាជនជាតិ ថៃ ដល់ទៅ ២ នាក់

បានផុស

២ years មុន

នៅ

ថ្ងៃចន្ទ ២ មករា ២០២៣

ដោយ

ផលិតកម្មយក្ស YG ដែលជាភ្នាក់ងាររបស់ក្រុមចម្រៀងដ៏ល្បី BLACKPINK បានចេញឃ្លិបដំបូងបង្ហាញពីក្រុមចម្រៀងស្រីថ្មីមានឈ្មោះថា “BABY MONSTER” បង្ហាញខ្លួនជាផ្លូវការក្នុងឆ្នាំ ២០២៣ ខណៈមានសមាជិកជាជនជាតិថៃ២រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលិតករប្រតិបត្តិ YG លោក Yang Hyun Suk ដែលបានបង្កើតសិល្បករជាច្រើនរបស់ផលិតកម្មនាពេលកន្លងមក បានបង្ហើបថា ពួកគេគឺជាសិល្បករដំបូងគេដែលបានបង្ហាញខ្លួន បន្ទាប់ពីទីភ្នាក់ងារនេះបើកអគារថ្មីមួយ ហើយសមជិកទាំងនោះបានធ្វើឲ្យគាត់ភ្ញាក់ផ្អើលពេញមួយវគ្គហ្វឹកហាត់។ លោកសង្ឃឹមថា ពួកគេនឹងធ្វើឲ្យពិភពលោកភ្ញាក់ផ្អើល ជាមួយនឹងហ្សែនរបស់ YG។

ដោយឡែក សម្រាប់គ្រូបង្ហាត់ក្រុមនេះវិញគឺ Lisa និង Jennie សមាជិកក្រុម “BLACKPINK” បានបង្ហាញថាសមាជិកទាំង៧នាក់ មានភាពសុខដុមជាមួយគ្នា ហើយខ្ញុំគិតថាជារួមពួកគេអស្ចារ្យណាស់”។

ទោះយ៉ាងណា ងាកមកខាងអ្នកនិយមលេងអ៊ីនធឺណិតជាច្រើនបានវិភាគវែកញែកនិងមានពាក្យចចាមអារ៉ាមថា អាចមានជនជាតិថៃ២នាក់ក្នុងក្រុមចម្រៀងមួយនេះគឺ Prita គឺជាម្ចាស់ជើងឯកកម្មវិធី International Model Thailand ឆ្នាំ ២០២១ និងជាបេក្ខនារីមួយរូបក្នុងកម្មវិធី Thai idol។ ចំណែកឯសមជិកម្នាក់ទៀតគឺ Chikita កើតឆ្នាំ២០០៩ ជាអ្នករស់នៅខេត្តនគររាជសីមា។ យ៉ាងណាមិញ ពេលនេះអ្នកគាំទ្រជាច្រើនបានសម្រុកតាមដាននៅលើ Youtube Channel របស់ពួកគេ ដែលឥឡូវនេះបានបើកដំណើរការមិនដល់មួយថ្ងៃ និងមានអ្នកតាមដានជាង២.៣ ម៉ឺននាក់ឯណោះ៕