ជីវិតកម្សាន្ដ

ទម្លាយជំនួញវាល់លាន ២ កន្លែងដែល Aum Patchrapa កំពុងកាន់កាប់សព្វថ្ងៃនេះ

បានផុស

២ years មុន

នៅ

ថ្ងៃពុធ ៤ មករា ២០២៣

ដោយ

Aum Patchrapa មិនត្រឹមតែជាកំពូលតារាជួរមុខរបស់ប្រទេសថៃប៉ុណ្ណោះទេ ប៉ុន្តែនាងក៏មានជំនួញ២នៅក្នុងដៃដែលធ្វើឲ្យកើនប្រាក់ចំណូល – ប្រាក់ចំណេញយ៉ាងច្រើន អស់រយៈពេលជាច្រើនឆ្នាំជាប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែងរូបនេះមានតួនាទី និងការងារច្រើនក្នុងវិស័យសិល្បៈទាំងក្នុងរឿងភាគ ចម្រៀង វីដេអូ ភាពយន្ត តារាបង្ហាញម៉ូដ ថតស្ពត និងពិធីករ រហូតដល់ទទួលបានពានរង្វាន់តារាពីស្ថាប័ន និងប្រព័ន្ធផ្សព្វផ្សាយជាច្រើន។ ម្យ៉ាងវិញទៀត នាងក៏ជាម្ចាស់អាជីវកម្មផ្ទាល់ខ្លួន ខណៈ Aum ត្រូវបានគេរកឃើញថា លេចមុខជានាយកក្រុមហ៊ុនចំនួន ២ ដូចខាងក្រោម៖

១ ក្រុមហ៊ុន One Star Entertainment Co., Ltd ត្រូវបានចុះបញ្ជីនៅថ្ងៃទី ១៩ខែកុម្ភៈ ឆ្នាំ ២០០៤ ដោយមានឈ្មោះលោកស្រី Patcharapa Chaichua បង្ហាញខ្លួនជាក្រុមប្រឹក្សាភិបាលម្នាក់។ បើកអាជីវកម្មជ្រើសរើសតារាសម្ដែង តារាបង្ហាញម៉ូដ និងថតស្ពតពាណិជ្ជកម្ម។ បច្ចុប្បន្ននេះ ដើមទុនដែលបានចុះបញ្ជីគឺ១ លានបាត និងបានរកប្រាក់ចំណេញយ៉ាងច្រើនដល់នាង។

២ ក្រុមហ៊ុន Aurum Plus Co., Ltd បានចុះបញ្ជីនៅថ្ងៃទី២១ ខែតុលា ឆ្នាំ ២០១៥ដោយលោកស្រី Patcharapa Chaichua បង្ហាញខ្លួនជាក្រុមប្រឹក្សាភិបាលមួយរូប ដែលប្រតិបត្តិការអាជីវកម្មផលិតគ្រឿងក្រអូប គ្រឿងសំអាង និងផលិតផលបន្ទប់ទឹក។ បច្ចុប្បន្ននេះ ដើមទុនដែលបានចុះបញ្ជីមានចំនួន២ លានបាត ហើយបានរកប្រាក់ចំណេញចាប់តាំងពីឆ្នាំ២០១៧ដល់ឆ្នាំ២០២១។

សូមរម្លឹកដែរថា Aum ជាតារាលំដាប់ជួរមុខក្នុងវិស័យសិល្បៈថៃ នាងបានចូលប្រឡូកក្នុងវិស័យសិល្បៈក្នុងឆ្នាំ ១៩៩៧ ពីការប្រលង Miss Hack 1997 រហូតដល់ទទួលបានជ័យលាភីលេខ១ ។ ក្រោយមក Aum បានទៅសិក្សាផ្នែកសម្តែងជាមួយ Toi Chatchai Kaewsawang អំឡុងពេលដែលនាងមានឱកាសបានចូលប្រឡូកក្នុងការងារជាច្រើនក្លាយជាតារាសម្ដែងប៉ុស្តិ៍លេខ ៧ តាមរយៈការណែនាំរបស់ កែវ ព្រីមៀ ដោយនាំយកខ្សែអាត់ណែនាំមួយជូនលោក ឃុន ដាង ស៊ូរ៉ាង ប្រេមព្រីឌី ដើម្បីពិចារណា រហូតដល់ Aum ចុះកុងត្រាធ្វើជាតារាសម្តែងក្រោមស្ថានីយ៍ទូរទស្សន៍ ប៉ុស្តិ៍លេខ៧មកទល់ពេលនេះ៕