ជីវិតកម្សាន្ដ

Mai Davika កាត់សក់ខ្លីម្ដងទៀត ស្រីៗចូលមកបញ្ចេញមតិព្រាត

បានផុស

២ years មុន

នៅ

ថ្ងៃពុធ ៤ មករា ២០២៣

ដោយ

តារាសម្ដែង Mai Davika កាលពីពេលថ្មីៗនេះបានបញ្ចេញរូបភាពសក់ខ្លីដូចមនុស្សប្រុស ខណៈហ្វេនស្រីៗចូលមកបញ្ចេញមតិសរសើរ និងសុំស្នេហ៍នាងយ៉ាងច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីទុកសក់វែងមួយរយៈ ទីបំផុតតារាសម្ដែង Mai Davika ត្រលប់មកកាត់សក់ខ្លីម្ដងទៀត និងបង្ហោះរូបភាពជាច្រើនៗតាមរយៈបណ្ដាញសង្គម Instagram ផ្ទាល់ខ្លួនអមដោយខេបសិនយ៉ាងផ្អែមល្ហែមថា “តើខ្ញុំអាចហៅអ្នកថារបស់ខ្ញុំបានទេ?” យ៉ាងណាមិញ មហាជនជាច្រើនក៏មានការភ្ញាក់ផ្អើលយ៉ាងខ្លាំង បន្ទាប់ពីបានឃើញសម្រស់តារាស្រីរូបនេះក្នុងរូបរាងសក់ខ្លីដូចមនុស្សប្រុសវ័យក្មេងគួរឲ្យស្រលាញ់។

ត្បិតថាម៉ូដសក់ខ្លី Mai Davika ស្អាតសង្ហាគួរឲ្យចង់គយគន់ ប៉ុន្តែទោះជាយ៉ាងណាផ្ទៃមុខរបស់នាងនៅតែស្រស់ស្អាត ស្រទន់ដដែល។ ទន្ទឹមនោះក្រោយការបង្ហោះរូបនេះមិនដល់២ម៉ោងផង ចំនួនអ្នកចូលចិត្តបានកើនឡើងយ៉ាងគំហុកជាពិសេសគឺស្រីៗតែម្ដង បានសម្រុលចូលមកសុំស្នេហ៍និងប្រាប់ថាបើមិនស្គាល់ Mai ប្រហែលសុំស្រលាញ់ផងមិនដឹង!ចំណែកមហាជនមួយចំនួនក៏បញ្វេញមតិស្របគ្នាថា កាត់សក់ខ្លីបែបនេះហើយនៅតែមានមុខស្រស់ស្អាតដដែលពិតជាគួរឲ្យច្រណែនណាស់៕