Miley Cyrus នឹងចេញបទចម្រៀងថ្មី ក្នុងថ្ងៃខួបកំណើតរបស់អតីតស្វាមី

តារាចម្រៀងនិងសម្តែង Miley Cyrus ចេញបទចម្រៀងថ្មីនិយាយអំពីការស្រឡាញ់ខ្លួនឯងក្នុងថ្ងៃខួប កំណើតអតីតស្វាមីរបស់នាង Liam Hemsworth ។

តារាចម្រៀងរូបនេះបានបញ្ជាក់ពីការចេញចម្រៀងថ្មីរបស់នាងនៅលើបណ្ដាញសង្គមដោយនិយាយ​ថា នាងនឹងចេញបទ “Flowers” នៅថ្ងៃទី ១៣ ខែ មករា។ ព័ត៌មាននេះមិនត្រឹមតែធ្វើឱ្យអ្នកគាំទ្រនាងអន្ទះសាទន្ទឹងរង់ចាំបទថ្មីពីតារាចម្រៀងស្រីប៉ុណ្ណោះទេ ថែមទាំងធ្វើឱ្យទស្សនិកជនចាប់អារម្មណ៍ផងដែរ នៅពេលដែលថ្ងៃចេញផ្សាយត្រូវនឹងថ្ងៃខួបកំណើតរបស់ Liam Hemsworth ជាអតីតស្វាមីរបស់នាង។

ជាមួយគ្នានេះ អតីតតារា Disney ក៏បានចែករំលែកទំនុកច្រៀងក្នុងបទថ្មី ដែលអត្ថន័យនៃទនេះធ្វើ ឱ្យអ្នកគាំទ្រនឹកឃើញភ្លាមអំពីរឿងស្នេហាដ៏យូររបស់ Miley និង Liam ធ្វើឲ្យអ្នកគាំទ្រជាច្រើនបាន ប៉ាន់ស្មានថាវាអាចទៅរួចដែលបទចម្រៀងនេះផ្ញើទៅកាន់អតីតស្វាមីរបស់នាង។

យ៉ាងណាមិញ អ្នកគាំទ្រជឿថា ការចេញបទចម្រៀងថ្មីក្នុងថ្ងៃខួបកំណើតរបស់ Liam Hemsworth គឺជាចេតនារបស់ Miley ពីព្រោះកាលពីឆ្នាំ ២០១៣ Miley ក៏បានចេញបទចម្រៀង Wrecking Ball ដែលជាការបង្ហាញពីបញ្ហានៅក្នុងទំនាក់ទំនងរបស់ពួកគេក្រោយអ្នកទាំងពីរបានលុបចោលការភ្ជាប់ពាក្យ៕

ប្រែសម្រួល៖នាងតូច

ចុចអាន៖តារាល្បីលំដាប់ពិភពលោក ១០ រូបនេះ ចំណាយលើអង្គរក្សអស់មិនចេះតិចក្នុងមួយឆ្នាំៗ