ជីវិតកម្សាន្ដ

ការប្រគំតន្ត្រីរបស់ BLACKPINK ទាក់ទាំងព្រះទ័យព្រះរៀមរបស់ស្ដេចថៃ មហា វ៉ាជីរ៉ាឡុងកន យាងទតផ្ទាល់

បានផុស

២ years មុន

នៅ

ថ្ងៃចន្ទ ៩ មករា ២០២៣

ដោយ

ព្រះនាង Ubolratana Rajakanya ជាព្រះរៀមស្ដេចថៃ ត្រូវបានគេប្រទះឃើញទ្រង់យាងមកទតផ្ទាល់ការប្រគំតន្ត្រីទេសចរណ៍អាស៊ីរបស់ក្រុម BLACKPINK ដែលប្រព្រឹត្តទៅនៅពហុកីឡដ្ឋានជាតិ កាលពីល្ងាចថ្ងៃទី ៧ ខែមករា កន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើបណ្ដាញ SNS ព្រះនាង Ubolratana Rajakanya ដែលជាព្រះរៀមរបស់ព្រះមហាក្សត្រ មហា វ៉ាជីរ៉ាឡុងកន បានបង្ហោះរូបថតមួយសន្លឹកជាមួយនឹងអំពូលភ្លើង (light stick blackpink) តំណាងឲ្យក្រុម BLACKPINK ខណៈការបង្ហាញខ្លួនរបស់ទ្រង់បានជះឥទ្ធិពលពិសេស ធ្វើឲ្យអ្នកលេងអ៊ីនធឺណិតរំភើបចិត្ត និងភ្ញាក់ផ្អើល ហើយចូលទៅបញ្ចេញមតិព្រាត។

សូមរម្លឹកដែរថា ជំទាវទីមួយបារាំង Brigitte Macron ក៏ទើបតែបានចូលរួមការប្រគុំតន្ត្រី Born Pink នៅទីក្រុងប៉ារីស កាលពីថ្ងៃទី ១២ ខែធ្នូ ឆ្នាំ ២០២២។ នេះសបញ្ជាក់ឲ្យឃើញថា ឥទ្ធិពលរបស់ BLACKPINK បានហួសពីឧស្សាហកម្មកម្សាន្ត មិនត្រឹមតែមានអ្នកគាំទ្រធម្មតាបានចូលរួមនោះទេ សូម្បីតែព្រះរៀមរបស់ស្តេចថៃ ក៏មានវត្តមានផងដែរ៕

ប្រែសម្រួល៖ សាង ស្រីល័ក្ខ

ចុចអាន៖អ្នកគាំទ្របារម្ភ Jennie ក្រោយកាំជ្រួចបាញ់ចំនាងពេលកំពុងប្រគំតន្ត្រី នៅ ថៃ