ជីវិតកម្សាន្ដ

រតនៈ ពិសី ព្រមានប្រើផ្លូវច្បាប់ចំពោះកូនបំណុលជំពាក់លុយមិនសង

បានផុស

២ years មុន

នៅ

ថ្ងៃអង្គារ ១០ មករា ២០២៣

ដោយ

តារាចម្រៀងសិចស៊ីតូចច្រឡឹងកញ្ញា រតនៈ ពិសី បន្ទាប់ពីសាងឈ្មោះល្បីលើវិថីសិល្បៈមួយសន្ទុះក្រោយមក នាងក៏បាត់វត្តមានពីវិស័យមួយនេះ ដើម្បីទៅក្ដោបក្ដាប់មុខជំនួញផ្ទាល់ខ្លួន។ ប៉ុន្តែទោះ បីជាយ៉ាងណាក្តី តារាស្រីរូបនេះ នៅតែបង្ហាញឆន្ទៈក្នុងការវិលត្រឡប់ចូលបម្រើអារម្មណ៍អ្នកគាំទ្រដូចមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតបច្ចុប្បន្នតារាស្រី កញ្ញា រតនៈ ពិសី បានកំពុងមមាញឹកលើអាជីពរកស៊ីផ្ទាល់ខ្លួនដែលក្តាប់បានឱកាសកាន់លុយណែនពេញដៃយ៉ាងនេះមែន តែថ្មីៗនេះ មានការទម្លាយថា នាង ក៏កំពុងជួបរឿងពិបាកចិត្តផងដែរ ព្រោះកូនតុងទីនបោកលើសេចក្ដីទុកចិត្ត ដោយជំពាក់លុយរាប់ម៉ឺនដុល្លារមិនព្រមសង។ ម្យ៉ាងទៀតឥឡូវនេះ នាង បានព្រមានប្រើវិធានការផ្លូវច្បាប់ ដើម្បីដោះស្រាយចំពោះបុគ្គលទាំងនោះ។

តារាចម្រៀង រតនៈ ពិសី បានបញ្ជាក់ឲ្យដឹងថា រឿងដែលថ្មីសម្រាប់នាងនាដើមឆ្នាំ ២០២៣ នេះ គឺចាត់វិធានការប្ដឹងទៅលើអ្នកដែលជំពាក់លុយអត់សងចូលគុកទាំងអស់។ នាងថា កុំឃើញខ្លាដេកថាខ្លាងាប់ ធ្វើទាំងអស់មិនទុកទេ គឺម្ដងមួយៗ …។ ចំណាំមុខ ម្នាក់នេះទុកឲ្យហើយផង មិនណយប៉ុន្មានទេ សូមប្រាប់ព្រោះអត់ធ្មត់មានដែនកំណត់។

ស្រីស្រស់ រតនៈ ពិសី បានបន្ថែមទៀតថា មកទល់ពេលនេះ នាង បានសម្រេចដាក់ពាក្យបណ្ដឹងទៅតុលាការហើយ ពោលគឺរង់ចាំតែដីកាធ្លាក់មកប៉ុណ្ណោះ។ នាង នឹងបង្ហាញមុខ និងឈ្មោះបុគ្គលរូបនោះឲ្យមហាជនបានឃើញ និងស្គាល់តែម្ដង៕

អត្ថបទ ៖ ចាន់រ៉ា