ជីវិតកម្សាន្ដ

Taeyang ទម្លាយមូលហេតុសហការជាមួយ Jimin ក្នុងបទចម្រៀងថ្មី “Vibe”

បានផុស

២ years មុន

នៅ

ថ្ងៃចន្ទ ១៦ មករា ២០២៣

ដោយ

កាលពីថ្ងៃទី ១៣ ខែមករា ដែលជាថ្ងៃតែមួយដែល MV “Vibe” ត្រូវបានចេញផ្សាយ Taeyang បាននិយាយអំពីមូលហេតុដែលគាត់ជ្រើសរើស Jimin សមាជិក BTS ដើម្បីសហការនៅក្នុងត្រលប់មកវិញបន្ទាប់ពីរយៈពេល ៦ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រហែលមួយម៉ោងមុនពេលការចេញផ្សាយទូទាំងពិភពលោកនៃបទចម្រៀងឌីជីថលថ្មី “Vibe” Taeyang សមាជិកក្រុម Big Bang បានប្រារព្ធកម្មវិធី “Countdown Live” ដើម្បីពិភាក្សាពីការវិលត្រលប់របស់លោកដែលរង់ចាំជាយូរមកហើយ និងទំនាក់ទំនងជាមួយអ្នកគាំទ្រ។

នៅពេលនោះមានសំណួរសួរទៅ Taeyang ថាតើការសហការរបស់លោកជាមួយ Jimin សមាជិក ក្រុម BTS បានដោយរបៀបណា? ភ្លាមៗនោះ Taeyang ឆ្លើយតបទៅវិញថា “ប្រហែល ២ ឆ្នាំមុន សមាជិក BTS មិនសូវសកម្មដូចពួកគេឥឡូវនេះទេ ហើយខ្ញុំកំពុងធ្វើការផលិតបទចម្រៀងថ្មី។ ជាមួយនេះតារារ៉េប Teddy Hyung បានបញ្ចេញមតិថា “ពេលនេះជាពេលវេលាដ៏ល្អមួយសម្រាប់ខ្ញុំ និង Jimin ក្នុងការចេញបទចម្រៀងដ៏ល្អមួយមនុស្សនឹងចូលចិត្តវា»។ ពេលខ្ញុំបានឮដូច្នេះ ខ្ញុំពិតជាភ្ញាក់ផ្អើលណាស់ ខ្ញុំមិនដែលគិតពីរឿងបែបនេះពីមុនមកទេ បន្ទាប់យើងទាំងពីរក៏ទំនាក់ទំនង់គ្នា ដើម្បីផលិតបទចម្រៀងមួយនេះ»។

យ៉ាងណាមិញនេះ ជាបទចម្រៀងដំបូងរបស់ Taeyang បន្ទាប់ពីផ្ទេរផលិតកម្ម YG Entertainmentទៅកាន់ផលិកម្ម The Black Label ហើយក៏ជាសហការលើកដំបូងលោកជាមួយ Jimin សមាជិក BTS ផងដែរ៕

ប្រែសម្រួល៖នាងតូច

ចុចអាន៖Lisa ទទួលបានថ្នាំដុសធ្មេញដាំពេជ្រពីក្រុមហ៊ុន Dentiste របស់ ថៃ