ព័ត៌មានជាតិ

អបអរសាទរ! ទីបំផុតសាយ បានបញ្ចប់បេសកកម្មរត់ជុំវិញប្រទេសកម្ពុជា ដើម្បីជួយកុមារ

បានផុស

៤ years មុន

នៅ

ថ្ងៃអាទិត្យ ១០ មករា ២០២១

ដោយ

តារាចម្រៀងសម្បុរស្រអែមសាយ បានបញ្ចប់បេសកកម្មរបស់ខ្លួន ក្នុងការរត់ជុំវិញប្រទេសកម្ពុជា ដើម្បីជួយកុមារនៅថ្ងៃនេះ ដែលមានប្រជាជនខ្មែរជាច្រើនអ្នក បានចូលរួមអបអរសាទរ និងមានមោទកភាពចំពោះលោកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមុននេះបន្តិចតាមរយៈផេករបស់លោកផ្ទាល់បានបង្ហោះថា រំភើបរកពាក្យអ្វីនិយាយគ្មាន ទីបំផុតខ្ញុំអាចធ្វើបានហើយ ២,៤០៨គ.ម រត់ជុំវិញប្រទេសកម្ពុជា ២១ ខេត្តក្រុង ៩៧ ថ្ងៃ អរគុណរាល់ការគាំទ្ររាល់ការជ្រោមជ្រែង រាល់ជំនួយ ការឧបត្ថម្ភ ការបរិច្ចាគ ការចូលរួម ការផ្ដល់កម្លាំងចិត្ត ដែលកើតឡើងក្នុងរយៈពេលកន្លងមកនេះ។ ខ្ញុំនឹងមិនអាចធ្វើបានទេបើសិនជាខ្វះជំនួយពីអ្នកទាំងអស់គ្នា។

សាយក៏បានបន្ថែមថា ឥឡូវនេះយើងបានរត់មកដល់ភ្នំពេញហើយ ហើយប្រសិនបើអាចមានអ្នកចង់ទទួលកន្លែងស្នាក់នៅឬបាយទឹក ពួកយើងរីករាយនឹងបន្តនៅជាក្រុមពីរបីថ្ងៃទៀត ហើយគ្រប់ ៩៩ ថ្ងៃដូចដែលបានកំណត់តាំងពីដំបូងនៃរយៈពេលនៃកម្មវិធី រត់ដើម្បីសប្បុរសធម៌ជាមួយសាយ។ ជាចុងក្រោយខ្ញុំបានសាយនិងក្រុមការងារសូមអរគុណ ដល់ក្រុមគ្រួសារស.ស.យ.កទូទាំងប្រទេស រដ្ឋបាលខេត្ត/ក្រុង ស្រុក បងបងសមត្ថកិច្ច អ្នកគាំទ្រ និងប្រជាជនកម្ពុជាទាំងមូល ដែលបានចូលរួមបរិច្ចាគ និងគាំទ្រដល់ពួកយើង។ ជូនពរឲ្យអ្នករាល់គ្នាទទួលបាននូវសេចក្តីសុខ សុខភាពល្អ និងសម្រេចបានគ្រប់ភារកិច្ច។