ជីវិតកម្សាន្ដ

សង្សារ ថុល សុភិទិ បញ្ជាក់មូលហេតុចង់បញ្ចប់ជីវិតដោយការលេបថ្នាំ

បានផុស

២ years មុន

នៅ

ថ្ងៃចន្ទ ១៦ មករា ២០២៣

ដោយ

មុននេះ អ្នកគាំទ្រ ក៏ដូចជាអ្នកប្រើប្រាស់បណ្ដាញសង្គម បានសម្ដែងការភ្ញាក់ផ្អើលខ្លាំង ក្រោយដឹងថា អ្នកនាង ឡុង ម៉ានីន ដែលជាសង្សារបណ្ដូលចិត្តតារាចម្រៀង ថុល សុភិទិ សម្រេចលេបថ្នាំប៉ងបញ្ចប់ជីវិតខ្លួនឯងដោយសារវិបត្តិផ្លូវចិត្តមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីអ្នកនាង ឡុង ម៉ានីន បានលេបថ្នាំចង់សម្លាប់ខ្លួន ភ្លាមៗនោះ តារាចម្រៀងប្រុសទើបល្បីឈ្មោះ គឺ លោក ថុល សុភិទិ ក៏បានលើកដៃបន់ស្រន់ព្រះសុំឲ្យជួយថែរក្សាគូស្នេហ៍សំណព្វចិត្តរបស់លោកផងដែរ អំឡុងពេលនាងកំពុងសម្រាកព្យាបាលនៅក្នុងមន្ទីរពេទ្យ។ ប៉ុន្តែក្រោយទទួលបានការព្យាបាល ពេលនេះ អ្នកនាង ឡុង ម៉ានីន បានចេញពីមន្ទីរពេទ្យត្រឡប់ទៅផ្ទះវិញហើយ។

អ្នកមេម៉ាយរូបស្រស់កូន ១ ឡុង ម៉ានីន បានបញ្ជាក់ប្រាប់ពីមូលហេតុដែលនាំឲ្យនាងលេបថ្នាំប៉ុនប៉ងសម្លាប់ខ្លួនឯងថា មូលហេតុដែលខ្ញុំលេបថ្នាំ ព្រោះហត់ពេក ហើយគិតខុសមួយគ្រាហ្នឹង អត់បានសម្ដែងទេ ដូចមតិមួយចំនួនលើកឡើងទេ បើមិនជឿហ៊ានស្បថ។

សង្សារតារាប្រុសលោក ថុល សុភិទិ បានថ្លែងប្រាប់ទៀតថា “ខ្ញុំហត់ ព្រោះហត់នឹងរឿងគ្រួសារដែលពួកគាត់មិនយល់ចិត្តខ្ញុំ ដល់គាត់ឃើញយើងរឹងមាំពេក បែរជាមិនទទួលបានលើកទឹកចិត្ត ហើយថែមទាំងបង្កើតតែបញ្ហាឲ្យយើងទៀត”។

អ្នកនាង ឡុង ម៉ានីន បន្តថា នាងពិតជាហត់ចិត្តខ្លាំងជាមួយបញ្ហាចាក់ស្រេះនៅក្នុងគ្រួសារ ទើបបានជាចង់បញ្ចប់ជីវិតដោយការលេបថ្នាំជាច្រើនគ្រាប់។

នាងបន្ថែមថា ខ្លួនបានធ្វើអស់ហើយដើម្បីជួយជ្រោមជ្រែងជីវភាពគ្រួសារឲ្យមានភាពធូរធារដូចគេដូចឯង ទាំងការសង់ផ្ទះនៅខេត្ត និងនៅភ្នំពេញ ដោយក្នុងនោះទាំងរថយន្តទៀតផង ប៉ុន្តែអ្វីដែលទទួលបានមកវិញ គឺខ្វះការផ្ដល់ភាពកក់ក្ដៅ និងលើកទឹកចិត្តចំពោះរូបនាងតែម្ដង៕

អត្ថបទ ៖ ចាន់រ៉ា