ជីវិតកម្សាន្ដ
បែកធ្លាយ តារាសម្តែង Florian Teichtmeister កាន់កាប់រូបភាពអាសអាភាសកុមារ
តារាសម្ដែងតួអធិរាជនៃប្រទេសអូទ្រីស Franz Joseph លោក Florian Teichtmeister វ័យ ៤៣ឆ្នាំ កំពុងប្រឈមមុខនឹងផ្លូវច្បាប់ពីបទកាន់កាប់រូបភាពអាសអាភាសកុមារ ។ ខណៈការកាត់ក្ដីគ្រោងនឹងចាប់ផ្តើមនៅថ្ងៃទី៨ ខែកុម្ភៈ លោកថែមទាំងអាចជាប់គុកយ៉ាងតិចរយៈពេល ២ឆ្នាំទៀតផង ។

តុលាការព្រហ្មទណ្ឌក្រុងវីយែនបានបញ្ជាក់កាលពីថ្ងៃសុក្រថា អាជ្ញាធររកឃើញឯកសារឌីជីថលចំនួន ៥៨,០០០ទិន្នន័យ បង្ហាញពីរូបអាសអាភាសរបស់អនីតិជន ។ ក្នុងឯកសាររបស់លោក Florian មានអនីតិជនខ្លះអាយុត្រឹមតែ ១៤ឆ្នាំ ប៉ុណ្ណោះ ។ ជាមួយគ្នានេះដែរ ឯកសារឌីជីថលទាំងអស់សុទ្ធតែជាឯកសារដែលលោកប្រមូលរក្សាទុកពីគេហទំព័រ Dark Web តាំងពីឆ្នាំ ២០០៨ ដល់ឆ្នាំ ២០២១ មកម្ល៉េះ និងត្រូវបែកធ្លាយដោយសារអតីតគូស្នេហ៍របស់លោកប្ដឹងអាជ្ញាធរបន្ទាប់ពីនាងប្រទះឃើញរូបភាពទាំងនោះក្នុងទូរស័ព្ទដៃរបស់លោក Florian ។ ជាក់ស្ដែងឯកសារសរុបមិនត្រឹមតែមានក្នុងទូរស័ព្ទមួយគ្រឿងប៉ុណ្ណោះទេ គេរកឃើញឯកសារទាំងអស់នៅក្នុងកុំព្យូទ័រ និង USB ផងដែរ ។


ទន្ទឹមនឹងរឿងក្ដៅគគុក រោងមហោស្រព Burg នៅទីក្រុងវីយែននិយាយថា ខ្លួនបានកាត់ផ្តាច់ទំនាក់ទំនងជាមួយ Florian បន្ទាប់ពីដឹងដំណឹងដ៏អាក្រក់នេះភ្លាមៗ សូម្បីតែអ្នកតំណាងរបស់ IFC Films ដែលជាក្រុមហ៊ុននៅពីក្រោយខ្សែភាពយន្ត Corsage ក៏ប្រាប់ដែរថា “យើងទើបតែដឹងរឿង ហើយភ្ញាក់ផ្អើល និងរន្ធត់ចិត្តជាខ្លាំង ។ យើងនឹងមិនអនុញ្ញាតឱ្យសកម្មភាពរបស់តួអង្គម្នាក់ប៉ះពាល់សមិទ្ធិផលរបស់តួសម្តែង និងក្រុមការងាររបស់ Corsage ទាំងមូលឡើយ” ៕
ប្រែសម្រួលដោយ ៖ វារី
ចុចអាន ៖ អ្នកប្រើទូរសព្ទ iPhone កុំចេះតែឱ្យលេខសម្ងាត់គេផ្ដេសផ្ដាស ប្រយ័ត្នបែកធ្លាយរូបភាពអាសអាភាស

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ