តារាចម្រៀង Shawn Mendes នាំស្ត្រីវ័យចំណាស់ចូលផ្ទះ សង្ស័យមិនធម្មតា

ពាក្យចចាមអារ៉ាមពីម្ចាស់បទ Treat You Better វ័យ ២៤ឆ្នាំ សង្ស័យមានទំនាក់ទំនងជាមួយដុកទ័រ Jocelyne Miranda អាយុ ៥១ឆ្នាំ ចាប់ផ្ដើមលេចឮកាលពីខែកក្កដា ឆ្នាំ ២០២២ បន្ទាប់ពីមានគេប្រទះឃើញអ្នកទាំងពីរហូបបាយថ្ងៃត្រង់ជាមួយគ្នា ។

យោងទៅតាមគេហទំព័ររបស់ដុកទ័រ Jocelyne បានឲ្យដឹងថា គាត់មានបទពិសោធន៍ផ្នែកវេជ្ជសាស្ត្រជាង ២០ឆ្នាំហើយ ទៅលើជំនាញពត់ឆ្អឹងរាងកាយ និងធ្លាប់ធ្វើគ្រូពេទ្យផ្ទាល់ខ្លួនឲ្យលោក Shawn Mendes ជាច្រើនឆ្នាំមកហើយ ។ ក្រៅពីនេះ Jocelyne ធ្លាប់ធ្វើការជាមួយ Shawn ផងដែរក្នុងកម្មវិធីធំៗដូចជា AMAs, VMAs, និងSaturday Night Live ជាដើម ។ ងាកទៅមើលរឿងថ្មីវិញ អ្នកប្រមាញ់រូបថតបានប្រទះឃើញ Jocelyne និង Shawn ដើរចូលផ្ទះជាមួយគ្នា ហើយស្ពាយកាបូបធំទំនងជាដាក់សម្ភារៈសម្រាប់គេងផ្ទះលោក Shawn ពេញមួយយប់តែម្ដង ។

កន្លង​មកអ្នកទាំងពីរបានផុសរូបក្នុង​ Instagram ដោយភ្ជាប់ជាមួយសារជូនពរខួបកំណើត Shawn  និងបង្អួតរូបថតក្រោយឆាកមិនតិចទេ យ៉ាងណាក្ដីភាគីទាំងសងខាងមិនបានចេញមុខបញ្ជាក់ ឬបដិសេធពីទំនាក់ទំនងស្នេហាដែលគេចោទប្រកាន់សូម្បីបន្តិចសោះឡើយ ។

គួររំលឹកផងដែរ កាលពីខែវិច្ឆិកា ឆ្នាំ ២០២១ Shawn និងអតីតសង្សារ Camila បានប្រកាសចែកផ្លូវគ្នាក្នុង Instagram បន្ទាប់ពីទាក់ទងគ្នាជាងពីរឆ្នាំ ។ ណាមួយមុនទំនាក់ទំនងបែកធ្លាយជាផ្លូវការអ្នកទាំងពីរក៏ធ្លាប់បិទបាំងដោយកុហកថាជាមិត្តនឹងគ្នាដូចករណីខាងលើដែរ ៕

ប្រែសម្រួលដោយ ៖ វារី

ចុចអាន ៖ នេះជាមូលហេតុពិតប្រាកដ ពីក្រោយការបែកគ្នារវាង Shawn ​និង Camila