ជីវិតកម្សាន្ដ

ជីជី បកស្រាយការពិត ក្រោយផ្ទុះការរិះគន់ស្រលាញ់ស្រីដូចគ្នា

បានផុស

២ years មុន

នៅ

ថ្ងៃពុធ ១៨ មករា ២០២៣

ដោយ

កាលពីថ្មីៗកន្លងមកនេះ ពិធីការិនីសាច់ស ស្រឡូន កញ្ញា ជីជី បានធ្វើឲ្យមហាជន និងអ្នកគាំទ្រមានការភ្ញាក់ផ្អើលគ្រប់គ្នា ក្រោយតារាស្រីរូបនេះបានបង្ហាញភាពស្និទ្ធស្នាលផ្អែមល្ហែមជាមួយនារីម្នាក់ដែលត្រូវបានគេស្គាល់ឈ្មោះ សូរិយា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតមិនត្រឹមតែបញ្ចេញនូវភាពផ្អែមល្ហែមថតកៀកកើយគ្នានោះទេ កាលណោះកញ្ញា ជីជី ថែមទាំងបានប្រកាសថា ពួកគេទាំងពីរនាក់ បានកំពុងសាងស្នេហាស្រីភេទដូចគ្នាទៀតផង។ ដំណឹងនេះ ក៏មានអ្នកគាំទ្រមួយចំនួនសម្ដែងការអបអរសាទរ ប៉ុន្តែខ្លះទៀតបានផ្ទុះការរិះគន់ និងវែកញែកចង់ដឹងការពិតចំពោះទំនាក់ទំនងរបស់អ្នកទាំងពីរ។

ទន្ទឹមគ្នានេះដែរ បន្ទាប់ពីព័ត៌មាននេះត្រូវបានបន្តចែកចាយនៅលើបណ្ដាញសង្គម ព្រមជាមួយការរិះគន់ និងពាក្យជេរប្រមាថមិនសមរម្យមួយចំនួន សាមីខ្លួនកញ្ញា ជីជី និងស្រីស្អាត សូរិយា បានចេញមកបកស្រាយការពិតជុំវិញរឿងរ៉ាវដ៏រសើបនេះ។ ក្នុងវីដេអូបកស្រាយនោះ ត្រូវបានសាមីខ្លួនអ្នកទាំងពីរបញ្ជាក់ច្បាស់ថា តាមរយៈសកម្មភាពផ្អែមល្ហែមរបស់អ្នកទាំងពីរកន្លងមក គឺពុំមែនជារឿងពិតទេ ផ្ទុយមកវិញនេះគ្រាន់តែការសម្ដែងប៉ុណ្ណោះ។

កញ្ញា ជីជី បានបញ្ជាក់ថា សម្រាប់នាងសព្វថ្ងៃក៏មានសង្សាររួចហើយ ចំណែក សូរិយា ក៏មានសង្សារដែរ គឺពួកគេសុទ្ធតែមានគូកំណាន់ចិត្តរៀងៗខ្លួន ដូច្នេះមិនបានស្រលាញ់ស្រីដូចគ្នា។

ជាមួយការបកស្រាយនេះ កញ្ញា ជីជី ក៏ដូចកញ្ញា សូរិយា បានស្នើដល់មហាជនកុំឲ្យមានការរើសអើងអ្នកស្រលាញ់ភេទដូចគ្នា និងចូលរួមលើកទឹកចិត្តចំពោះពួកគាត់ផង ព្រោះថាការស្រលាញ់ភេទដូចគ្នាពុំមានកំហុសអ្វីឡើយ៕

អត្ថបទ ៖ ចាន់រ៉ា