ចាប់បានតារាចម្រៀង Sam Smith លួចបណ្ដើរមិត្តប្រុសថ្មី

តារាចម្រៀងអាមេរិក Sam Smith ដែលជាម្ចាស់បទ “I’m not the only one” ត្រូវបានគេចាប់បានថាមានស្នេហាជាមួយមិត្តប្រុសថ្មី ដោយអ្នកទាំងពីបណ្តើរគ្នានៅតាមដងផ្លូវនៅទីក្រុងញូវយ៉ក ។

កាលពីថ្ងៃទី ១៦ ខែមករា យោងទៅតាមប្រភពព័ត៌មានពី Pagesix បានរាយការណ៍ថាតារាចម្រៀង Sam Smith កំពុងមានទំនាក់ទំនងស្នេហាជាសម្ងាត់ជាមួយ Christian Cowan ដែលជាអ្នករចនាម៉ូដ។ ម្ចាស់បទ Unholy ត្រូវបានគេដឹងថា មានភាពស្និទ្ធស្នាលជាមួយមិត្តប្រុសរបស់គាត់ ខណៈដែលអ្នកទាំងពីរកំពុងដើរតាមផ្លូវក្នុងទីក្រុង New York ដែល Sam Smith បានបង្ហាញខ្លួននៅទីនេះដើម្បីសម្តែងសម្រាប់កម្មវិធី SNL នៅសប្តាហ៍នេះ។

នៅក្នុងរូបថតដែលបានថតនោះ Sam Smith បានកាន់ដៃ និងថើបក្បាលមមិត្តប្រុសថ្មីដោយបង្ហាញកាន់តែច្បាស់ពីទំនាក់ទំនងស្នេហារបស់ពួកគេ ទន្ទឹមនឹងនោះមានប្រភពស្និតស្នាលអ្នកទាំងពីបានបង្ហើបឱ្យដឹងថា គូស្នេហ៍មួយគូនេះក៏បានសាក់រូបជាមួយគ្នាផងដែរ ។

យ៉ាងណាមិញ មិត្តប្រុសថ្មីរបស់ Sam Smith គឺជាអ្នករចនាម៉ូដល្បីវ័យក្មេងក្នុងឧស្សាហកម្មម៉ូដ អង់គ្លេស ហើយធ្លាប់រចនាម៉ូដឲ្យតារាល្បី ៗ ជាច្រើននៅលើពិភពលោកដូចជា Jennifer Lopez, Lady Gaga, Cardi B, Heidi Klum ឬ Lil Nas X ជាដើម៕

ប្រែសម្រួល៖នាងតូច

ចុចអាន៖Selena Gomez មិនខ្វល់ពីការរិះគន់រូបរាងនាង ក្នុងកម្មវិធី Golden Globe Awards នោះទេ