អតីតបេក្ខជនប្រឡង American Idol រដូវកាលទី ១៣ បាត់បង់ជីវិតទាំងវ័យក្មេង

លោក C.J. Harris អាយុ ៣១ឆ្នាំ ជាបេក្ខជន “American Idol” រដូវកាលទី ១៣ ចំណាត់ថ្នាក់លេខ ៦ បានបាត់បង់ជីវិតនៅថ្ងៃទី១៥ ខែមករា ឆ្នាំ ២០២៣ ដោយសារជំងឺគាំងបេះដូង ។

គេស្គាល់លោក Harris ក្នុងកម្មវិធី American Idol ឆ្នាំ ២០១៤ ពេលគាត់លើកយកបទ “Soul Shine” របស់ The Allman Brothers មកសម្ដែងក្នុងការប្រឡង ។ កាលនោះលោកទទួលបានការកោតសរសើរមិនដាច់ពីមាត់ពីគណកម្មការ Keith Urban ថា “ អ្នក​ច្រៀង​ព្រោះ​អ្នក​ត្រូវ​ច្រៀង មិន​មែន​ព្រោះ​​ចង់​ច្រៀងទេ ។ ហើយខ្ញុំចង់​មាន​ន័យ​​ជ្រៅ​បំផុត នោះហើយជាមូលហេតុដែលវាគួរឱ្យជឿនិងពិតណាស់” ។Harris បញ្ចប់ការប្រឡងជាមួយចម្រៀងជាច្រើនរួមមានបទ “Waiting on the World to Change” របស់ John Mayer បទ “Free Fallin” របស់ Tom Pettyនិងបទ “Radio” របស់ Darius Rucker ។ ក្រៅពីនេះ គាត់បានចេញបទចម្រៀងដំបូងបង្អស់ក្នុងឆ្នាំ ២០១៩ ក្រោមចំណងជើងថា “ In love” ។

ការប្រឡងចម្រៀង American Idol គឺជាព្រឹត្តិការណ៍ធំ និងសំខាន់បំផុតក្នុងការចងចាំរបស់លោក Harris ព្រោះលោកធ្លាប់បង្ហើបប្រាប់ថា ការចេញមុខតាមទូរទស្សន៍ក៏មិនសប្បាយនិងរំភើបដូចបានឡើងឆាកប្រឡងដែរ វាពិតជាមិនគួរឲ្យជឿសោះថាលោកបានឈរនៅលើឆាកនោះ ៕

ប្រែសម្រួលដោយ ៖ វារី

ចុចអាន ៖ តារាចម្រៀង Lisa ទទួលមរណភាព បន្ទាប់ពីចប់កម្មវិធី Golden Globes

ចុចអាន ៖ កំពូលអ្នកច្នៃម៉ូដ Dame Vivienne Westwood ទទួលមរណភាពក្នុងអាយុ ៨១ ឆ្នាំ