អ្នកគាំទ្រភ្ញាក់ផ្អើលម្ដងទៀត ក្រោយឃើញរូបរាងថ្មីរបស់ Park Bom

បន្ទាប់ពីការឡើងទម្ងន់កាលពីឆ្នាំមុនដែលធ្វើឲ្យអ្នកគាំទ្រទូទាំងសកលលោកព្រួយបារម្ភ ពេលនេះ Park Bom អតីតសមាជិក 2NE1 បានប្រែរូបរាងថ្មីម្ដងទៀត ដោយបង្ហាញថានាងមានសុខភាពល្អជាងមុនឆ្ងាយ។

កាលពីថ្ងៃទី ១៦ ខែ មករា មានអ្នកលេងភ្លេងម្នាក់បានអាប់ដេតរូបមួយរបស់ Park Bom នៅលើ Instagram ប្រហែលមួយខែចាប់តាំងពីនាងបង្ហោះក្នុងខែធ្នូ។ ជាពិសេស រូបថតបានបង្ហោះរបស់នាង ជាមួយនឹងចំណងជើងថា “Bom at the airport” ដែលថតពេលនាងកំពុងធ្វើដំណើរទៅកូរ៉េកាលពីថ្ងៃទី ១៥។

នៅថ្ងៃដដែលនោះ នាងបានជួបអ្នកគាំទ្រម៉ាឡេស៊ី តាមរយៈការប្រគំតន្ត្រី “Grand Wave K-pop Music Festival” ដែលប្រារព្ធឡើងនៅទីក្រុង Kuala Lumpur ប្រទេសម៉ាឡេស៊ី។ ជាមួយគ្នានោះគេកត់សម្គាល់ឃើញថា Park Bom បានស្រកទម្ងន់ជាហេតុផលដែលអ្នកគាំទ្រភ្ញាក់ផ្អើលចំពោះរូបរាងបច្ចុប្បន្នរបស់នាង។

យ៉ាងណាមិញ កាលពីខែ មករា ឆ្នាំ ២០២១ តារាចម្រៀង Park Bom ដែលមានទម្ងន់ ៧០ គីឡូក្រាម ដំបូងស្រកបាន ១១ គីឡូក្រាមដោយជោគជ័យ និងនៅមួយរយៈពេលចុងក្រោយនៅក្នុងឆ្នាំ ២០២២នាងឡើងទម្ងន់ យ៉ាងខ្លាំងដែលធ្វើឱ្យអ្នកគាំទ្រព្រួយបារម្ភ ដោយសារនាងមានបញ្ហាសុខភាពជាមួយនឹងជំងឺ ADD ៕

ប្រែសម្រួល៖នាងតូច

ចុចអាន៖Jin សមាជិក BTS បញ្ចប់ការហ្វឹកហ្វឺននៅមូលដ្ឋានចំនួនប្រាំសប្ដាហ៍ នៅឯជំរំជួរមុខហើយ