ជីវិតកម្សាន្ដ

ខៀវ សានសាណា រន្ធត់ចិត្ត ក្រោយទទួលដំណឹងម្ដាយក្មេកមរណភាពនៅក្រៅប្រទេស

បានផុស

២ years មុន

នៅ

ថ្ងៃសុក្រ ២០ មករា ២០២៣

ដោយ

ពិធីការិនីល្បីឈ្មោះអ្នកនាង ខៀវ សានសាណា បានបង្ហាញអារម្មណ៍រន្ធត់ចិត្តជាខ្លាំង និងសោកស្ដាយជាពន់ពេក បន្ទាប់ពីទទួលដំណឹង នៃការទទួលមរណភាពរបស់ម្ដាយក្មេកនៅឯក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈដំណឹងមរណភាពរបស់អ្នកម្ដាយក្មេកជាទីស្រលាញ់អ្នកនាង ខៀវ សានសាណា ពេលនេះគេឃើញមានអ្នកគាំទ្រ ព្រមទាំងសិល្បករសិល្បការិនីជាច្រើន បានសម្ដែងការសោកស្ដាយចំពោះការបាត់បង់មនុស្សជាទីស្រលាញ់នៅក្នុងគ្រួសារ។ ក្នុងនោះក៏មានការផ្ញើសារចូលរួមរំលែកទុក្ខគ្រប់ៗគ្នាជាមួយក្រុមគ្រួសារសិល្បការិនីរូបនេះផងដែរ។

បើតាមការរៀបរាប់របស់ពិធីការិនីអ្នកនាង ខៀវ សានសាណា បានលើកឡើងថា «សូមឲ្យម៉ាក់ទៅកាន់សុគតិភព ហើយខ្ញុំស្រលាញ់អ្នកម្ដាយខ្លាំងណាស់ម៉ាក់ក្មេក ម៉ាក់ក្មេកជាទីស្រលាញ់របស់ខ្ញុំ”។ អ្នកនាង សាណា មិនបានបញ្ជាក់ទេថា ម្ដាយក្មេកទទួលមរណភាពដោយសារអ្វីឡើយ។

ចំពោះដំណឹងមរណទុក្ខដ៏ក្រៀមក្រំ និងសោកសៅរបស់ពិធីការិនីសម្បូរវោហារស័ព្ទអ្នកនាង ខៀវ សានសាណា នេះដែរ ក៏មានការចូលរួមសោកស្ដាយយ៉ាងខ្លាំងជាមួយក្រុមគ្រួសារសពផងដែរ៕

អត្ថបទ ៖ ចាន់រ៉ា