ជីវិតកម្សាន្ដ

Dilraba នឹងជំនួសតំណែងរបស់ Angelababy ក្លាយជាទូតសុឆន្ទៈ Dior ពេញសិទ្ធ

បានផុស

២ years មុន

នៅ

ថ្ងៃសុក្រ ២០ មករា ២០២៣

ដោយ

តារាសម្តែងចិន Dilraba Dilmurat ត្រូវបានជ្រើសរើសកក្លាយជាទូតសុឆន្ទៈសាកលថ្មីឲ្យម៉ាកយីហោឈានមុខគេរបស់បារាំង Dior ដោយនាងនឹងជំនួសតំណែងរបស់ Angelababy ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះទំនាក់ទំនងរយៈពេល ១០ ឆ្នាំរបស់ Dior និង Angelababy ត្រូវបានទម្លាយជាផ្លូវការនៅពេលដែលម៉ាកយីហោបានប្រកាសថាខ្លួននឹងមិនបន្តកុងត្រាជាមួយតារាស្រីរូបនេះឡើយ ស្របពេលជាមួយគ្នានេះ ម៉ាកយីហោបារាំងបានរកឃើញមុខមាត់ថ្មីសម្រាប់ទីផ្សារអាស៊ីដែលនោះគឺនាង Dilraba Dilmurat ។

ទន្ទឹងនឹងនោះ ម៉ាកយីហោបារាំង Dior បានបង្ហាញរូបថតរបស់តារាសម្តែង Dilraba Dilmurat ក្នុងនាមជាទូតសុឆន្ទៈសាកលថ្មី ក្នុងនោះនាងបានពាក់គ្រឿងអលង្ការដ៏មានតម្លៃ La Rose Dior ដោយនាងបានបង្ហាញខ្លួនជាមួយនឹងម៉ូដស្ទីលសំលៀកបំពាក់បុរសដែលបង្កើនភាពស្រស់ស្អាត។

យ៉ាងណាមិញ ភាពស្រស់ស្អាតកំពូលនៃឧស្សាហកម្មកម្សាន្តរបស់តារាចិន Dilraba Dilmurat ជាមុខដែលត្រូវបានជ្រើសរើសដោយម៉ាកយីហោជាច្រើន ដោយចូលរួមក្នុងកម្មវិធីធំៗទាំងក្នុងនិងក្រប្រទេស ពិសេសមុខពេលនាងធ្វើជាទូត សុឆន្ទៈឲ្យ Dior នាងក៏ធ្លាប់ជាទូតសុឆន្ទៈឲ្យម៉ាកយីហោ LV ផងដែរ ៕

ប្រែសម្រួល៖នាងតូច

ចុចអាន៖BLACKPINK បង្កើតកំណត់ត្រាពិភពលោក 3Guiness’ World Records