ជីវិតកម្សាន្ដ

តួឯកស្រីរឿង “ល្បិចស្នេហ៍បញ្ឆោតបេះដូង” ទម្លាយអារម្មណ៍ពិត ក្រោយមានចចាមអារ៉ាមថាជាជនទី ៣

បានផុស

២ years មុន

នៅ

ថ្ងៃចន្ទ ២៣ មករា ២០២៣

ដោយ

បន្ទាប់ពីត្រូវបានវាយប្រហារថាខ្លួនជាជនទី៣ក្នុងរឿងស្នេហារបស់ Aum Patchrapa តាំងពីដើមឆ្នាំមក តារាសម្ដែងស្រី Matt Peeranee បានចេញមុខទម្លាយអារម្មណ៍លើកដំបូងអំពីបញ្ហាក្ដៅគគុក ក៏ដូចជាអរគុណអ្នកគាំទ្រ រួមទាំងមនុស្សជុំវិញតែងតែផ្ញើសារលើកទឹកចិត្តនាងកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបជាមួយក្រុមអ្នកសារព័ត៌មានក្នុងកម្មវិធីគម្រប់ខួប៥ឆ្នាំ របស់ IDENTITY Group តួឯកស្រីរឿង “ល្បិចស្នេហ៍បញ្ឆោតបេះដូង”ទើបតែមានឱកាសបានជួបអ្នកសារព័ត៌មានដោយផ្ទាល់ហើយបាននិយាយរៀបរាប់ពីសុខទុក្ខនាងក្រោយបាត់មុខមួយរយៈធំក្នុងពិភពសម្ដែង។ តារាសម្ដែងរូបនេះបាននិយាយថា “ពេលនេះអារម្មណ៍ខ្ញុំមិនអីទេ! អរគុណអ្នកទាំងអស់គ្នាដែលបារម្ភ ហើយតែងតែផ្ញើការលើកទឹកចិត្ត ខ្ញុំតែងតែទទួលបានការលើកទឹកចិត្តពីអ្នករាល់គ្នា សូមអរគុណពិតមែន”។

ក្រោយផ្ដល់បទសម្ភាសន៍រួចរាល់ មហាជនជាច្រើននៅតែងឿងឆ្ងល់រហូតធ្វើឲ្យ Matt Peeranee បានបង្ហើបថា ថ្ងៃនេះនាងមានសំឡេងស្អក ដែលប៉ះពាល់ដល់ការនិយាយ ដូច្នេះសុំការអនុញ្ញាតចេញមកសម្ភាសន៍ម្ដងទៀតនៅពេលក្រោយ មុនពេលដើរត្រឡប់ទៅចូលរួមកម្មវិធីម្ដងទៀត៕