Travis Barker បង្ហាញស្នាមសាក់ថ្មី ជារូបភ្នែករបស់ Kourtney Kardashian

តន្ត្រីករជនជាតិអាមេរិកលោក Travis Barker វ័យ ៤៧ ឆ្នាំ បានបង្ហោះរូបសាក់ថ្មីកាលពីថ្ងៃសៅរ៍ ទី២១ នៅលើបណ្ដាញសង្គម Instagram ដែលមានអ្នកតាមដាន ៧.៩ លាននាក់ ។

លើផុសនេះផងដែរ Travis បានដាក់ចំណងជើងថា “Oh hey there” និងមានរូបលោកផ្ទាល់លើកខោមួយចំហៀងបង្ហាញរូបសាកភ្នែកភរិយា ។ ទន្ទឹមនឹងនេះ អ្នកបញ្ចេញមតិមួយចំនួនបាននិយាយថា រូបភ្នែកមនុស្សនៅលើភ្លៅលោក Travis គឺជា ភ្នែករបស់ Michael Jackson អ្នកខ្លះបញ្ចេញការសង្ស័យថា Kourtney មានផ្ទៃពោះទៅវិញ ។

ជាក់ស្ដែងរូបសាក់នេះពិតជារូបភរិយារបស់គាត់មែន ព្រោះថាលោកក៏បានផុសរូបជាមួយ Kourtney ក្នុងបន្ទប់ទឹកមួយសន្លឹកផងដែរ ។ សូមបញ្ជាក់ផងដែរថា Travis និង Kourtney បានរៀបការដល់ទៅ ៣ដង ក្នុងឆ្នាំ ២០២២ គឺខែមេសា នៅទីក្រុងឡាសវេហ្គាស ខែឧសភា នៅទីក្រុងសាន់តាបាបារ៉ា និងលើកទីបីនៅអ៊ីតាលីទៀតផង ។

ទស្សនាវដ្ដី PEOPLE បានបំភ្លឺថា ប្ដីប្រពន្ធគូនេះចាប់ផ្ដើមសេពគប់គ្នាតាំងពីខែមករា ឆ្នាំ ២០២១ ហើយភ្ជាប់ពាក្យខែតុលា នៅឆ្នាំដដែលដូចគ្នា ៕

ប្រែសម្រួលដោយ ៖ វារី

ចុចអាន ៖ ផ្ទះលំហែតម្លៃជិត ១៥ លានដុល្លារ របស់ Kourtney Kardashian ត្រូវព្យុះកម្ទេច