Baifern ស្លៀកឈុតប្រពៃណីចិន ហ្វេនសរសើរសម្រស់មិនដាច់ពីមាត់

កាលពីយប់ថ្ងៃទី២៤ ខែមករា ឆ្នាំ២០២៣ តារាសម្ដែង​ Baifern Pimchanok បានស្លៀកឈុត​ប្រពៃណី​ចិន ដើម្បីជួបអ្នកគាំទ្រ ក្នុងពិធីបុណ្យចូលឆ្នាំចិន Chao Pho-Chao Mae Pak Nam Pho នៅឯ ខេត្ត Nakhon Sawan។

ជាមួយគ្នានោះដែរ Baifern Pimchanok បានបង្ហោះរូបភាព និងថ្លែងអំណរគុណដល់អ្នកគាំទ្រខេត្ត Nakhon Sawan យ៉ាងវែងអន្លាយថា សូម​អរគុណ​ចំពោះ​អ្នក​គាំទ្រ​របស់ Nakhon Sawan ទាំង​អស់។ ការស្វាគមន៍ដ៏កក់ក្តៅបំផុតមិនធ្លាប់មាន”។ស្របពេលដែរសម្រស់របស់តារាស្រីរូបនេះបានឆក់ទាញចំណីអារម្មណ៍មហាជនជាច្រើនព្រោះកម្រឃើញនាងស្លៀកឈុតប្រពៃណីចិនបែបនេះពីមុនណាស់។

ក្នុងចំណោមរូបភាពប៉ុន្មានសន្លឹករបស់ Baifern Pimchanok ក៏កំពុងទទួលបានការចាប់អារម្មណ៍យ៉ាងខ្លាំងបន្ទាប់ពីនាងបានបង្ហាញសម្រស់ដ៏ផូរផង់ក្នុងថ្ងៃបុណ្យចូលឆ្នាំប្រពៃណីចិន។ ទស្សនិកជនជាច្រើនក៏បានបញ្ចេញមតិពោលសរសើរថា តារាសម្ដែងរូបនេះពីមួយថ្ងៃទៅមួយថ្ងៃកាន់តែមានសម្រស់ស្អាតទ្វេដង ដែលគេថា មនុស្សមានស្នេហាគិតអីក៏ស្រស់ថ្លាដែរ៕

ប្រែសម្រួល៖ សាង ស្រីល័ក្ខ

ចុចអាន៖Engfa ថា តាំងពីក្លាយជាបវរកញ្ញា អ្នកគាំទ្រហ៊ានចាយប្រាក់ទិញវត្ថុផ្គាប់ចិត្តនាងគ្រប់យ៉ាង

ចុចអាន៖បវរកញ្ញាចក្រវាល Amanda នឹងជំនួសតំណែង Matt ក្លាយជាតួឯកស្រីក្នុងរឿងភាគថ្មី