លេចធ្លាយពាក្យចចាមអារ៉ាម HyunA និង Dawn ត្រូវគ្នាវិញហើយ

យោងទៅតាមរបាយការណ៍ព័ត៌មានចចាមអារ៉ាមរបស់ប្រព័ន្ធផ្សព្វផ្សាយនៅថ្ងៃទី ២៧ ខែ មករា បានឲ្យដឹងថាតារាចម្រៀង HyunA និងតារារ៉េប Dawn បានត្រូវគ្នាវិញបន្ទាប់ពីការប្រកាសបែកគ្នាកាលពី ២ ខែមុន ។

ក្នុងនោះប្រភពព័ត៌មាន News1 បានអះអាងថាតារាចម្រៀង HyunA និងតារារ៉េប Dawn ថ្មីៗនេះពួកគេបានសម្រេចចិត្តបន្តទំនាក់ទំនងជាគូស្នេហ៍ ជាមួយគ្នានោះត្រូវបានគេឃើញដើរលេងជាមួយគ្នាសម្រាប់កាលវិភាគរបស់ពួកគេ រួមទាំងកាលវិភាគក្នុងស្រុក និងក្រៅប្រទេសផងដែរ។

លើសពីនេះ មានពាក្យចចាមអារ៉ាមថា អ្នកទាំងពីរបង្ហាញការយកចិត្តទុកដាក់ចំពោះគ្នាទៅវិញទៅមក ដូចពេលដែលពួកគេកំពុងមានទំនាក់ទំនងជាសាធារណៈ។

យ៉ាងណាមិញ តារាចម្រៀង HyunA និងតារារ៉េប Dawn បានចាប់ផ្តើមស្នេហាជាសាធារណៈក្នុងឆ្នាំ ២០១៦ បានប្រកាសពីដំណឹងនៃការបែកបាក់របស់ពួកគេនៅក្នុងខែវិច្ឆិកាឆ្នាំមុន បន្ទាប់ពីបានទាក់ទងគ្នាអស់រយៈពេល ៦ ឆ្នាំ នៅពេលនោះ Hyuna បាននិយាយនៅលើ Instagram របស់នាងថា នាងបាន “បែកគ្នា” ហើយបានសម្រេចចិត្តនៅជាមិត្តរួមការងារដ៏ល្អរបស់នាង៕

ប្រែសម្រួល៖នាងតូច

ចុចអាន៖Lisa បំបែកកំណត់ត្រាពិភពលោក Guinness ដល់ទៅ ៥ ក្នុងឆ្នាំតែមួយ