ជីវិតកម្សាន្ដ

ក្រោយចប់កុងត្រា Park Bo Gum ហក់ចូលផលិតកម្មល្បី ពញ្ញាក់អារម្មណ៍អ្នកគាំទ្រ

បានផុស

២ years មុន

នៅ

ថ្ងៃចន្ទ ៣០ មករា ២០២៣

ដោយ

បន្ទាប់ពីតារាប្រុស Park Bo Gum បានសម្រេចចិត្តមិនបន្តកុងត្រាជាមួយ Blossom Entertainment ក្រោយរួមការងារជាមួយគ្នាជាង១០ឆ្នាំ អ្នកគាំទ្រជាច្រើនកំពុងសង្កេតនិងចាប់អារម្មណ៍ឃើញថា តើតារាប្រុសរូបនេះនឹងធ្វើការជាមួយផលិតកម្មមួយណា ស្របពេលជាមួយគ្នានេះក៏មានព័ត៌មានចរចាកុងត្រាជាមួយក្រុមហ៊ុនជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញព័ត៌មានរបស់ Park Bo Gum ត្រូវបានប្រកាសជាផ្លូវការថា លោកនឹងចូលរួមជាមួយផលិតកម្ម THE BLACK LABEL ខណៈដំណឹងនេះក៏បានធ្វើឲ្យហ្វេនរបស់តារាប្រុសកូរ៉េខាងត្បូងរូបនេះ មានការភ្ញាក់ផ្អើលជាខ្លាំងផងដែរ។

ដោយឡែក នៅថ្ងៃទី៣០ខែមករា THE BLACK LABEL បានប្រកាសជាផ្លូវការនូវព័ត៌មានលម្អិតដូចថា “The Black Label បានចុះកិច្ចសន្យាជាមួយ Park Bo Gum ដែលជាតារាសម្តែងវ័យក្មេងកំពុងទទួលបានការទុកចិត្ត និងស្រលាញ់ពីសំណាក់មហាជន។ យើងរីករាយណាស់ដែលបានធ្វើការជាមួយតារាសម្តែង Park Bo Gum ។ លោកមានឥទ្ធិពលក្នុងពិភពលោកក្រៅប្រទេសកូរ៉េ ក្នុងនាមជាតារាសម្តែង Park Bo Gum មានមន្តស្នេហ៍ និងទេពកោសល្យផ្សេងៗ។ យើងនឹងប្រើភាពខ្លាំង និងចំណេះដឹងអំពី THE BLACK LABEL ឲ្យបានពេញលេញដើម្បីបង្កើនភាពទាក់ទាញរបស់លោកក្នុងវិស័យផ្សេងៗនិងជាតារាសម្តែង ព្រមទាំងផ្តល់ការគាំទ្រយ៉ាងពេញទំហឹងនៅជុំវិញពិភពលោក”។

សូមជម្រាបដែរថា THE BLACK LABEL បច្ចុប្បន្នគឺជាក្រុមហ៊ុនគ្រប់គ្រងសម្រាប់សិល្បករ និងផលិតករល្បីៗជាច្រើនដូចជា Taeyang សមាជិកក្រុម BIGBANG, Jeon Somi, Zion.T, R.T., Lauren, Vince, Brian Chase និង Elagros ៕