BLACKPINK ជាក្រុមចម្រៀង K-pop ទីមួយ ជួបជាមួយប្រធានាធិបតី Macron នៃប្រទេសបារាំង

ក្រុមចម្រៀងនារី BLACKPINK បានជួបជាមួយប្រធានាធិបតី Macron នៃប្រទេសបារាំងនិងភរិយារបស់គាត់នៅឯការប្រគំតន្ត្រីសប្បុរសធម៌ Le Gala des Pièces Jaunes ដែលបានប្រព្រឹត្តឡើងកាលពីថ្ងៃទី ២៥ ខែ មករា ។

នៅក្នុងប្រគំតន្ត្រីសប្បុរសធម៌នោះ BLACKPINK បានសម្ដែងបទ “Pink Venom” ជាមួយនឹងលោក Gautier Capuçon ដែលជាអ្នកលេងឧបករណ៍តន្ត្រី cellist ដ៏ល្បីល្បាញលើពិភពលោក និងបានសហការជាមួយអ្នកលេង វីយូឡុងដែលល្បីឈ្មោះលោក Daniel Lozakovich ដើម្បីសម្តែងបទ “Shut Down” ។

ជាមួយគ្នានោះ រូបថតរបស់ BLACKPINK ជាមួយលោកប្រធានាធិបតី Emmanuel Macron នៃប្រទេសបារាំង និងជំទាវទីមួយបារាំង Brigitte Macron ដែលធ្វើឲ្យ BLACKPINK គឺជាតារា K-pop ដំបូងគេដែលត្រូវបានអញ្ជើញឱ្យចូលរួមក្នុងការប្រគំតន្ត្រីនេះ ហើយបានជួបជាមួយជាមួយប្រធានាធិបតី Macron នៃប្រទេសបារាំងផងដែរ។

បន្ទាប់ពីបញ្ចប់ការប្រគំតន្ត្រី លោកស្រី Brigitte Macron បានថ្លែងអំណរគុណដល់ក្រុម BLACKPINK ដោយនិយាយថា “ប្រាក់ចំណេញទាំងអស់ដែលបានមកពីការលក់សំបុត្រទៅ មូលនិធិទាំងមូល ដែលបានរៃអង្គាសសម្រាប់ការប្រគុំតន្ត្រីនឹងត្រូវបរិច្ចាគទៅមូលនិធិសប្បុរសធម៌។

យ៉ាងណាមិញ BLACKPINK កំពុងទទួលបានប្រជាប្រិយភាពនៅជុំវិញពិភពលោកនៅលើឆាកអរន្តជាតិដោយការបានចូលរួមក្នុងការប្រគំតន្ត្រីយុទ្ធនាការដើម្បីផលប្រយោជន៍ជាសាធារណៈ និងសកម្មភាពសង្គមផ្សេងៗជាច្រើនក្នុងឆ្នាំនេះថែមទៀតផង ៕

ប្រែសម្រួល៖នាងតូច

ចុចអាន៖រូបរាងថ្មីរបស់ Song Hye Kyo អ្នកគាំទ្រទប់សរសើរសម្រស់មិនបាន