ជីវិតកម្សាន្ដ

ផ្ទុះចចាមអារ៉ាមថា ស្វាមីសេដ្ឋីក្បត់ចិត្ត Chompoo ខណៈភរិយាកំពុងនៅបារាំង

បានផុស

២ years មុន

នៅ

ថ្ងៃចន្ទ ៣០ មករា ២០២៣

ដោយ

កាលពីពេលថ្មីៗនេះព្រឹត្តិការណ៍ដ៏កក្រើកនៅឯប្រទេសថៃ រឿងលួចលាក់ជនទី៣នៅតែផ្ទុះបន្តគ្នាពីតារាប្រុសស្រីល្បីៗជាច្រើន ខណៈបច្ចុប្បន្ននេះស្វាមីរបស់ Chompoo Araya ក៏ត្រូវបានគេតាមដានថា លោកអាចនឹងក្បត់ចិត្តភរិយាដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកអ្នកប្រើប្រាស់បណ្ដាញ TikTok ម្នាក់បានបង្ហោះសារថា ស្វាមីរបស់តារាដ៏ល្បីល្បាញមួយរូបប្រចាំប្រទេសថៃមានផ្ទះតូចមួយ។ ផ្ទះនេះដូចជាផ្ទះលួចលាក់សម្រាប់ណាត់មនុស្សស្រីរបស់ប្ដីតារាស្រីនោះ ស្របពេលដែលភរិយាមិននៅក្នុងប្រទេសផង! ក្រោយការបង្ហោះនេះមិនបានប៉ុន្មានផង អ្នកលេងអ៊ីនធឺណិតជាច្រើនបានបញ្ចេញមតិយ៉ាងភ្លូកទឹកភ្លូកដីថា កុំចេះតែនិយាយ ជួនកាលពួកគាត់ទាំងពីរនាក់ប្ដីប្រពន្ធអាចមកសាងសង់ផ្ទះផ្ទាល់ខ្លួនទេ។ ក្នុងនោះហ្វេនរបស់តារាសម្ដែង Chompoo ក៏បន្ថែមទៀតថា ខ្ញុំគិតថាវាមិនអាចទៅរួចទេ? ចាំមើលនាងឃើញព័ត៌មាននេះ ហើយចេញមុខមកបកស្រាយសិន!

ទោះយ៉ាងណា នៅពេលនេះ Chompoo Araya បានចេញទៅដើរបង្ហាញម៉ូដនៅឯប្រទេសបារាំង និងបានបង្ហោះរូបភាពនៅលើ Instagram យ៉ាងសប្បាយរីករាយ ហាក់មិនបានខ្វល់ខ្វាយនឹងពាក្យចចាមអារ៉ាមទាំងនោះឡើយ។ ក្រោយមកក៏មានអ្នកនិយមលេងអ៊ីនធឺណែតបានតាមដាន ព្រមទាំងបញ្ចេញមតិ និងលើកទឹកចិត្តនាងផងដែរ តែរឿងនេះគ្រាន់តែជាពាក្យចចាមអារ៉ាមប៉ុណ្ណោះ! ចំណែកនាងកំពុងធ្វើការនៅឡើយ ហើយមិនទាន់ចេញមុខបកស្រាយជុំវិញពាក្យចចាមអារ៉ាមនេះទេ។ ដូច្នេះហ្វេនត្រូវតែរង់ចាំស្តាប់សម្ដីពិតពីមាត់របស់នាងផ្ទាល់សិន សឹមបង្ហាញថាស្វាមីនាងពិតជាក្បត់ចិត្តភរិយាពិតមែនឬយ៉ាងណា៕