ជីវិតកម្សាន្ដ

Song Joong Ki ផ្លាស់ទៅរស់នៅវីឡាតម្លៃជាង ១៦ លានដុល្លារ ត្រៀមស្វាគមន៍កូនដំបូង

បានផុស

២ years មុន

នៅ

ថ្ងៃអង្គារ ៣១ មករា ២០២៣

ដោយ

យោងទៅតាមប្រភពកាសែត Dispatch បានរាយការណ៍ពីក្រុមគ្រួសាររបស់តារាសម្តែង Song Joong Ki ទើបតែបានផ្លាស់ទៅរស់នៅក្នុងផ្ទះវីឡាមួយក្នុងទីក្រុង Itaewon ដែលមានតម្លៃ ២០ ពាន់លានវ៉ុន (ប្រហែលជាង ១៦ លានដុល្លារ) បន្ទាប់ពីចុះសំបុត្រអាពាហ៍ពិពាហ៍រួច និងដើម្បីត្រៀមស្វាគមន៍កូនដំបូងរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីមុននោះ តារាសម្តែង Song Joong Ki និងភរិយា Katy Louise Saunders បានរស់នៅជាមួយគ្នានៅក្នុងវីឡាមួយក្នុងសង្កាត់ Hannam ទីក្រុងសេអ៊ូល តាំងពីនិទាឃរដូវឆ្នាំមុន។ ក្រៅពីនេះគេហទំព័រព័ត៌មាននេះក៏បានរាយការណ៍បន្ថែមទៀតផងដែរថា Song Joong Ki បានអញ្ជើញឪពុកម្តាយរបស់ Katy មកកាន់ប្រទេសកូរ៉េ បន្ទាប់ពីភរិយារបស់លោកមានផ្ទៃពោះ។

ជាមួយគ្នានេះឆ្លើយតបនឹងរឿងនេះ ខាងផលិតកម្មគ្រប់គ្រងរបស់ Song Joong Ki បានឆ្លើយតបចំពោះរឿងមួយថា វាពិបាកក្នុងការបញ្ជាក់ ព្រោះនេះជាជីវិតឯកជនរបស់តារាសម្តែង Song Joong Ki។ ដោយសារតែរូបភាពដែលបានផ្សព្វផ្សាយមានភាពច្បាស់លាស់ ទើបធ្វើឲ្យអ្នកនិយមលេងអ៊ីនធឺណេតជឿថាព័ត៌មានខាងលើជារឿងពិត។

លើសពីនេះ ផលិតកម្មក៏បានឆ្លើយសំណួរអំពីពិធីមង្គលការរបស់ Song Joong Ki ថា “ពិធីមង្គលការនឹងធ្វើឡើងនៅពេលណាមួយ ប៉ុន្តែមិនទាន់មានការសម្រេចចិត្តជាក់លាក់ណាមួយត្រូវបានធ្វើឡើងនៅឡើយទេ ដោយអ្នកទាំងពីរនឹងចំណាយជីវិតថ្មីថ្មោងរបស់ពួកគេទៅវិញទៅមករវាងប្រទេសកូរ៉េ និងចក្រភពអង់គ្លេស”៕

ប្រែសម្រួល៖នាងតូច