បណ្ដាញសង្គមទម្លាយរូបថតស្វាមី Chompoo និង តារាស្រីកំពុងផ្ទុះចចាមអារ៉ាមជាស្រីស្នេហ៍

បើទោះបីជាមិន​ទាន់​បាន​ដឹង​ការពិត​នៅឡើយ ប៉ុន្តែ​អ្នក​និយម​លេង​អ៊ីនធឺណិតជាច្រើន​​កំពុងតែជីកកកាយ​ពី​តារាសម្ដែងស្រី Tan Thanatcha Janngam ក្រោយ​នាងជាប់​ពាក់ព័ន្ធ​ថា​ជាស្រី​លួច​លាក់​ និងតែងណាត់ជួបគ្នានៅផ្ទះមួយកន្លែងដោយសម្ងាត់ទៀតផង។

ដោយឡែកកាលពី​ម្សិលមិញ​នេះ បណ្ដាញ​អ៊ីនធឺណិត​បានជីកកកាយរូបភាព​របស់​អ្នកជំនួញ​ហៃសូ Knot Wisarut និងតារាស្រី Tan Thanatcha អង្គុយនៅតុអាហារ​រួមគ្នា ដោយ​មាន​មិត្តភ័ក្ដិ​ជា​ច្រើន​ទៀត​នៅ​ជាមួយ​គាត់ទាំង​ឪពុក Knot ខណៈស្វាមី Chompoo បែរ​អង្គុយ​ដាច់​ពី​គ្នា​ប៉ុណ្ណោះ​។

ទោះ​ជា​យ៉ាង​ណា មហាជន​ជាច្រើន​បានចូលទៅបញ្ចេញ​មតិ​ថា ​គូនេះប្រហែលជាស្គាល់គ្នា​ជាបង​ប្អូន​បង្កើត ​កុំចេះតែ​សន្និដ្ឋាន​ផ្ដេសផ្ដាស​ ឬប្រសិនបើគ្មានភស្តុតាង​នោះ​ទេ​ វា​ជា​ការ​ចោទប្រកាន់​ទាំង​ការពិត​មិន​ទាន់​មាន​អ្នកណា​បកស្រាយ​ឡើយ។ ដូច្នេះ មាន​តែ​រង់ចាំ​ស្ដាប់​ការ​ពិត​ពី​ភាគី​ទាំង​សងខាងសិន និងចាំអ្នកម្ដាយកូន៣ Chompoo ធ្វើសន្និសីទកាសែត​ឲ្យ​បាន​លម្អិត​ជាងនេះ។

គិតមកដល់ពេលនេះបន្ទាប់ពីផ្ទុះពាក្យចចាមអារ៉ាមថាស្វាមី Chompoo​ លួចលាក់មានផ្ទះណាត់ជួបស្រីស្នេហ៍ អ្នកនិយមលេងអ៊ីនធឺណេតជាច្រើននាំគ្នាចូលទៅបញ្ចេញមតិលើគណនីផ្ទាល់ខ្លួនរបស់ភាគីសងខាង ដើម្បីបញ្ចាក់ការពិត។ប៉ុន្តែងាកទៅអ្នកជំនួញប្រាក់លាន Knot Wisarut ល្បីថាថាកំពុងលួចលាក់ក្បត់ចិត្ត​ភរិយា​ពាសពេញ​បណ្ដាញ​សង្គម​ក្នុង​ប្រទេស​ថៃ​ក្ដី​​ ក៏សេដ្ឋី​រូប​នេះ​ហាក់​មិន​បាន​ខ្វល់​ចិត្ត​សូម្បី​តែ​បន្តិច​ណា​ឡើយ៕

ប្រែសម្រួល៖ សាង ស្រីល័ក្ខ

ចុចអាន៖ផ្ទុះចចាមអារ៉ាមថា ស្វាមីសេដ្ឋីក្បត់ចិត្ត Chompoo ខណៈភរិយាកំពុងនៅបារាំង

ចុចអាន៖មិនខ្វល់ចចាមអារ៉ាមថាផិតក្បត់ភរិយា ស្វាមីហៃសូរបស់ Chompoo បង្ហោះរូបធ្វើមិនដឹង