Baifern ក្លាយជាសេដ្ឋីនី ក្ដោបក្ដាប់ទ្រព្យសម្បត្តិ ២០លានដុល្លារ ក្នុងវ័យ ៣០ឆ្នាំ

តារា​សម្ដែងថៃ Baifern Pimchanok ក្លាយជាកំពូល​តារា​ស្រី​លំដាប់ជួរមុខនៅក្នុងប្រទេស បន្ទាប់ពីសម្ដែងក្នុងខ្សែភាពយន្ត “Friend Zone” ដែល​ចូល​រួម​សម្ដែង​ជា​មួយមិត្តប្រុសរបស់នាង Nine​ Naphat ។

ចាប់តាំងពីឆ្នាំ២០១៩ ​មក កេរ្តិ៍ឈ្មោះរបស់ Baifern មិនត្រឹមតែ​ទទួល​បាន​ការ​គាំទ្រខ្លាំងក្លានៅតែស្រុកថៃប៉ុណ្ណោះទេ ប៉ុន្តែនាងក៏មានប្រជាប្រិយភាពខ្ទរខ្ទារ ​ក្នុង​តំបន់​អាស៊ីផងដែរ។

មុនក្លាយជាតារាជួរមុខដូចបច្ចុប្បន្ន Baifern ធ្លាប់​បញ្ចប់​ការ​បរិញ្ញាបត្រ​ពី​សកលវិទ្យាល័យ Srinakarinwirot ផ្នែក​សម្ដែងភាពយន្ត ហើយនាងចាប់អាជីពជាអ្នកសិល្បៈដំបូងតាំងពីរៀនថ្នាក់​ទី​៦ មកម្ល៉េះ។ ឈានដល់វ័យជំទង់ នាង​ចាប់​ផ្ដើម​ធ្វើ​ការ​ក្នុង​ការ​ផ្នែក​កម្សាន្ត​របស់​ថៃ ជា​អ្នក​ដើរ​ម៉ូដស្បែក​ជើង​ដ៏​ល្បី​មួយ ហើយបន្ទាប់​មក​នាង​បាន​ចូល​រួម​សម្ដែង​រឿង​ភាគ​ និង​វីដេអូ​ចម្រៀង រហូតសាងភាពល្បីល្បាញនៅក្នុងខ្សែភាពយន្ត “First Love” ជាមួយតារាប្រុស Mario ។

ប្រឡូកលើវិថីសិល្បៈជាង ១៣ឆ្នាំ តារាកូនកាត់ចិនរូបនេះ បានសាងភាពល្បីល្បាញមិនត្រឹមតែក្នុងពិភពភាពយន្តប៉ុណ្ណោះទេ នាងក៏ជាតារាបង្ហាញម៉ូដលេចធ្លោ និងជាអ្នកតំណាងម៉ាកយីហោធំៗទាំងក្នុងស្រុក និងអន្តរជាតិ។

ឆ្លងកាត់ការងារជាច្រើនក្នុងនាមជាសិល្បការិនីលំដាប់កំពូលរបស់ប្រទេសថៃ ពេលនេះ Baifern Pimchanok ជាសេដ្ឋីនីមួយរូបដែលក្ដោបក្ដាប់ទ្រព្យសម្បត្តិផ្ទាល់ខ្លួនចំនួន ២០លានដុល្លារអាមេរិក ត្រឹមវ័យ ៣០ឆ្នាំប៉ុណ្ណោះ៕

ប្រែសម្រួល៖ សន្យា

ចុចអាន៖ សមាជិកគ្រួសារ Baifern ជាប់ឈ្មោះជាគ្រួសារកំពូលសម្រស់ ប្រចាំប្រទេស ថៃ

ចុចអាន៖ បវរកញ្ញា អ៊ីងហ្វា ឈ្នះពានរង្វាន់ “ស្ត្រីលើកចិត្តឆ្នើម” ប្រចាំឆ្នាំ២០២២