បរវកញ្ញាតំណាងកម្ពុជា ប៊ី សុធារី កាន់ទង់ជាតិខ្មែរទៅប្រកួត​នៅវៀតណាម

ទីបំផុតបវរកញ្ញាតំណាងកម្ពុជា ប៊ី សុធារី ដែលជា Miss Charm Cambodia 2023 កាលពីរសៀល​ថ្ងៃទី០៣ ខែកុម្ភ:ឆ្នាំ ២០២៣ បានធ្វើដំណើរចាកចេញពីប្រទេសកម្ពុជា ដើម្បីចូលរួមការប្រកួតសម្រស់​លំដាប់​ថ្នាក់អន្តរជាតិ Miss Charm ២០២៣ នៅប្រទេសវៀតណាម។

ជាការពិតណាស់ ប៊ី សុធារី គឺជាបវកញ្ញាតំណាងកម្ពុជាដែលត្រូវបានជ្រើសរើសឲ្យចូលរួមក្នុងការប្រកួតលើឆាកអន្តរជាតិ Miss Charm២០២៣នាទីក្រុងហូជីមិញប្រទេសវៀតណាម ក្នុងឆ្នាំនេះ។ ការចេញទៅប្រកួតនេះ នឹងនាំយកទង់ជាតិ វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញនៅលើឆាកនអន្តរជាតិ។

មុនពេលចេញទៅប្រកួត ប៊ី សុធារី ក៏បានត្រៀមខ្លួនរួចជាស្រេច និងធ្វើការហ្វឹកហាត់យ៉ាងសកម្មពោរពេញ​ដោយភាពជឿជាក់​ក្លាហានក្នុងនាមបវរកញ្ញាដែលតំណាងឱ្យកម្ពុជាចូលប្រកួតលើឆាកអន្តរជាតិនាពេលនេះ។ ក្នុងនោះដែរ ក៏មានអ្នកគាំទ្រ និងលេងបណ្ដាញសង្គមហ្វេសប៊ុកបាននាំគ្នាលើកកម្លាំងចិត្តជូនពរឱ្យកញ្ញា ប៊ី សុធារី ត្រឡប់មកវិញដោយទទួលបានលទ្ធផលល្អ។

កញ្ញា ប៊ី សុធារី បានបញ្ជាក់ពីចំណាប់អារម្មណ៍ផ្ទាល់ខ្លួនថា នេះជាពេលវេលាដែលនាងនឹងត្រូវកាន់ទង់ជាតិកម្ពុជា ឲ្យខ្ពស់បំផុត។

សូមបញ្ជាក់ដែរថា សម្រាប់ការប្រកួតសម្រស់លំដាប់ថ្នាក់អន្តរជាតិ Miss Charm២០២៣ ដែលមានបវរកញ្ញា​ជាច្រើនរូបមកពីបណ្តាប្រទេសផ្សេងៗគ្នានៅលើទឹកដីប្រទេសវៀតណាមនេះនឹងឈានដល់វគ្គផ្តាច់ព្រ័ត្រនៅថ្ងៃទី ១៦ ខែកុម្ភ: ខាងមុខនេះ៕ ចាន់រ៉ា