ជីវិតកម្សាន្ដ

បវរកញ្ញា អ៊ីងហ្វា ម្ចាស់មកុដ Miss Grand ថៃ ប្រកាសបរិច្ចាគសរីរាង្គ ក្រោយពេលស្លាប់

បានផុស

២ years មុន

នៅ

ថ្ងៃសៅរ៍ ៤ កុម្ភៈ ២០២៣

ដោយ

Sonya

បវរកញ្ញា អ៊ីងហ្វា វ៉ារ៉ាហា (Engfa Wahara) ម្ចាស់ជយលាភីរងទី១ កម្មវិធី Miss Grand International 2022 ប្រកាសបរិច្ចាគសរីរាង្គ បន្ទាប់ពីនាងទទទួលមរណភាព ដែលទង្វើនេះធ្វើឱ្យនាងទទួលបានការកោតសរសើរ និងការគាំទ្រយ៉ាងពេញទំហឹងពីបណ្ដាជនរាប់លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់មកុដ Miss Grand Thailand 2022 បវរកញ្ញា អ៊ីងហ្វា ទម្លាយនៅលើបណ្ដាញសង្គមផ្ទាល់ខ្លួនថា នាងបានចុះឈ្មោះបរិច្ចាគសរីរាង្គ ក្រោយមរណភាពរបស់នាង ដើម្បីជួយដល់អ្នកជំងឺដែលត្រូវការការវះកាត់ប្ដូរសរីរាង្គ។ ការប្រកាសរបស់ អ៊ីងហ្វា បានធ្វើឱ្យសាធារណជនជាច្រើនមានការភ្ញាក់ផ្អើលយ៉ាងខ្លាំង ហើយគ្រប់គ្នាពិតជាស្ញប់ស្ញែងជាទីបំផុត ដោយសារទង្វើរបស់នាង ជាទង្វើដ៏ថ្លៃថ្លា និងពោរពេញដោយមនុស្សធម៌។

យ៉ាងណាមិញ ក្នុងនោះនៅមានមតិផ្ទុយគ្នាមួយចំនួនជុំវិញការបរិច្ចាគសរីរាង្គរបស់ អ៊ីងហ្វា ផងដែរ។ មហាជនជាច្រើនសម្តែងការងឿងឆ្ងល់ នៅពេលដែលម្ចាស់ជយលាភីរងទី១រូបនេះ មិនបានផ្តល់វិញ្ញាបនបត្រចុះបញ្ជីការបរិច្ចាគសរីរាង្គដល់សាធារណជនបានឃើញឡើយ ខណៈការប្រកាសមានត្រឹមពាក្យសម្ដីប៉ុណ្ណោះ។

ទោះយ៉ាងណា បន្ទាប់ពីប្រកាសដំណឹងភ្លាម បវរកញ្ញាវ័យ ២៥ឆ្នាំរូបនេះ ទទួលបានការសរសើរ និងមតិវិជ្ជមានជាច្រើនពីសង្គមអនឡាញ ដោយសារតែការបរិច្ចាគសរីរាង្គបែបនេះ ពិតជាកម្រមានមនុស្សហ៊ានធ្វើណាស់៕