គូស្នេហ៍សម្ដែងរឿង “Game of Thrones” ប្រកាសមានកូនទីពីរ

លោក Kit Harington តារាសម្ដែងជនជាតិអង់គ្លេសប្រកាសដំណឹងល្អអំពីកូនទីពីរក្នុងកម្មវិធី “The Tonight Show starring Jimmy Fallon” ទាំងភាពរីករាយកាលពីថ្ងៃសុក្រ ទី៣ ខែកុម្ភៈ កន្លងផុតទៅ ។

ក្នុងកម្មវិធីយប់នោះ Kit ប្រាប់លោក Jimmy Fallon ថា “កូនប្រុសទីមួយរបស់ពួកយើងជិតភ្ញាក់ផ្អើលក្នុងជីវិតហើយ បើមិនបានប្អូនប្រុសក៏ប្អូនស្រីដែរ” ជាក់ស្ដែងកូនប្រុសច្បងរបស់លោកមិនយល់អ្វីដែលម្ដាយឪពុកព្យាយាមប្រាប់ទេ ព្រោះគាត់មានអាយុទើបតែ ២ ឆ្នាំប៉ុណ្ណោះ ។

បកក្រោយទៅកាន់ឆ្នាំ ២០២០ វិញ ការពរពោះរបស់តារាស្រីជនជាតិស្កុតឡេនគឺអ្នកស្រី Rose Leslie ភរិយាលោក Kit ត្រូវប្រកាសដោយទស្សនាវដ្ដីអង់គ្លេស Make Magazine ដោយដាក់រូបពោះធំរបស់នាងផ្ទាល់លើគម្របតែម្ដង ។

សូមបញ្ជាក់ដែរថាប្ដីប្រពន្ធមួយគូនេះបានរៀបការនៅថ្ងៃទី២៣ ខែមិថុនា ឆ្នាំ ២០១៨ ពីរឆ្នាំបន្ទាប់ពីបង្ហាញទំនាក់ទំនងក្នុងកម្មវិធីកម្រាលព្រំក្រហមឆ្នាំ ២០១៦ ៕

ប្រែសម្រួល ៖ វារី

ចុចអាន ៖ តារាកំប្លែង Pete Davidson កោរសក់ចាប់ផ្ដើមជីវិតថ្មី