ជីវិតកម្សាន្ដ

Min នឹងប្រកាសមុខមិត្តប្រុសថ្ងៃ Valentine តែមិនមែនជនទី ៣ ដូចចចាមអារ៉ាម

បានផុស

២ years មុន

នៅ

ថ្ងៃអាទិត្យ ៥ កុម្ភៈ ២០២៣

ដោយ

បន្ទាប់ពីតារាស្រី Min Peachaya ដែលថ្មីៗនេះនាងបានបង្ហើបថា ថ្ងៃនៃសេចក្ដីស្រលាញ់ខាងមុខ នឹងបង្ហាញមុខគូស្នេហ៍ ខណៈពេលនេះអ្នកគាំទ្រជាច្រើនមានការភ្ញាក់ផ្អើល និងចូលទៅបញ្ចេញមតិនៅលើគណនីរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម Instagram ផ្ទាល់ខ្លួន តារាសម្ដែងប្រចាំប៉ុស្តិ៍លេខ៧រូបនេះបានបង្ហោះរូបស្លៀកពាក់អាវដៃវែងពណ៌ខ្មៅដ៏សិចស៊ី គូជាមួយនឹងសំពត់ខ្លីបង្ហាញជើងវែងស្ដើងតូចមួយ។ ប៉ុន្តែអ្វីដែលត្រូវចាប់ភ្នែក ចៀសមិនផុតនោះគឺCaption របស់ Min Peachya ដែលនាងថា “ឥឡូវនេះមានតែព័ត៌មានជនទី៣ប៉ុណ្ណោះ! ថ្ងៃបុណ្យនៃក្តីស្រលាញ់នេះ ខ្ញុំឆ្ងល់ថា Min ត្រូវតែមានសង្សារមែនទេ? ដូច្នេះហើយ វានឹងមិនមែនជាព័ត៌មានជនទីបីសម្រាប់អ្នកដទៃឡើយ។ បោះបង់ជីវិតនៅលីវ នៅថ្ងៃបុណ្យនៃក្តីស្រលាញ់គឺប្រសើរជាង”។

ភ្លាមៗនោះដែរ អ្នកគាំទ្របានចូល Comment យ៉ាងច្រើន ភាគច្រើនចង់ដឹងនិងរង់ចាំមើលគូស្នេហ៍ថ្មីរបស់ Min Peachya ហើយចង់ឃើញនាងវិលមកពិភពពណ៌ផ្កាឈូកពោរពេញដោយស្នេហាម្តងទៀត។

Min Peachya ក៏ត្រូវបានមហាជនជាច្រើនដឹងថានាងលីវមកយូរឆ្នាំហើយ ហើយបច្ចុប្បន្ននេះតារាសម្តែង Min បានវិវឌ្ឍខ្លួនក្លាយជាជាពាណិជ្ជករ កំពុងបោះទុនរកស៊ីលើផ្ទះនៅខេត្ត Khon Kaen ដែលនាងមានបំណងធ្វើវាដោយខ្លួនឯងស្ទើរតែគ្រប់ជំហានសឹងទាំងអស់។ ត្បិតថាកាលពីថ្មីៗនេះ នាងបានលេចឮព័ត៌មាន មានជាប់ពាក់ព័ន្ធនឹងគូស្នេហ័ Aum ក្ដី ប៉ុន្តែរឿរ៉ាវទាំងនោះមិនបានធ្វើឲ្យនាងឈឺក្បាលឡើយ។ ក្រោយមកទើបនាងបានបង្ហោសារមួយទៀតថា ពេលមានលុយ មិនខ្វះទេមនុស្សប្រុសដែលដើរចូលមក រហូតធ្វើឲ្យមាននិន្នាការលើបណ្ដាញសង្គមភ្លាមៗផងដែរ៕