ជីវិតកម្សាន្ដ

Seungri អតីតសមាជិកក្រុម Big Bang នឹងដោះលែងពីពន្ធនាគារនៅចុងសប្ដាហ៍នេះ

បានផុស

២ years មុន

នៅ

ថ្ងៃចន្ទ ៦ កុម្ភៈ ២០២៣

ដោយ

នៅព្រឹកនេះ សារព័ត៌មានកូរ៉េទាំងអស់បានចុះផ្សាយព័ត៌មានទាក់ទងនឹង Seungri អតិតសមាជិកក្រុម Big Bang នឹងត្រូវដោះលែងពីពន្ធនាគារនៅចុងសប្តាហ៍នេះ ដែលបង្កការភ្ញាក់ផ្អើលយ៉ាងខ្លាំង នៅក្នុងប្រទេសកូរ៉េក៏ដូចជាអន្តរជាតិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះហើយ Seungri អតិតសមាជិកក្រុម Big Bang នឹងត្រូវដោះលែងពីពន្ធនាគារនៅថ្ងៃ សៅរ៍ ទី ១១ ខែកុម្ភៈ ដោយកាលពីខែឧសភា តុលាការកំពូលកូរ៉េខាងត្បូងបានសម្រេចកាត់ទោស Seungri ឲ្យជាប់គុកត្រឹមតែ ១ ឆ្នាំ ៦ ខែ ហើយលោកត្រូវបានផ្ទេរពីពន្ធនាគារយោធា ទៅពន្ធនាគារស៊ីវិលត្រូវបម្រើការរយៈពេល ៨ ខែទៀតចាប់តាំងពីការកាត់ទោសត្រូវបានសម្រេច។

នៅពេលនេះ ប្រជាជនកូរ៉េនៅតែខឹងសម្បារនឹងឧក្រិដ្ឋកម្មដែលគាត់បានប្រព្រឹត្ត ក៏ដូចជាអ្នកលេងអ៊ីនធឺណិតបានសម្តែងការមិនពេញចិត្តរបស់ពួកគេដែលការកាត់ទោសរបស់ Seungri គឺ “ស្រាលពេក” នៅពេលដែលលោកចោទប្រកាន់ពី បទឧក្រិដ្ឋកម្មចំនួន ៩ ករណី ប៉ុន្តែត្រូវជាប់គុកត្រឹមតែ ១ ឆ្នាំ ៦ ខែតែប៉ុណ្ណោះ ។

លើសពីនេះទៅទៀត អ្នកខ្លះទៀតមានការព្រួយបារម្ភថា Seungri នឹងចាប់ផ្តើមសកម្មភាពសិល្បៈ ឡើងវិញក្នុងពេលឆាប់ៗនេះ។ ថ្វីត្បិតតែមិនអាចបង្ហាញមុខតាមកញ្ចក់ទូរទស្សន៍ក្នុងនាមជាអ្នកសិល្បៈក៏ពិតមែន ប៉ុន្តែលោកនៅតែអាចក្លាយជា YouTuber ដោយសារមានអ្នកគាំទ្រច្រើនពីមុនមក។

គូរម្លឹកដែលថា Seungri ត្រូវបានចោទប្រកាន់លើចំនួន ៩ ករណីនៅក្នុងខែមករា ឆ្នាំ ២០២០ រួមទាំង ការស្វែងរកពេស្យាចារ ការចែកចាយរូបភាពអាសអាភាស ការកេងបន្លំ និងការលេងល្បែងខុសច្បាប់ ហើយត្រូវបានតុលាសម្រាចទោសឲ្យតារាប្រុសរូបនេះជាប់ពន្ធនាគារ ៣ ឆ្នាំបន្ទាប់មក លោកបានដាក់ពាក្យបណ្តឹងឧទ្ធរណ៍ហើយត្រូវបានតុលាការយោធាជាន់ខ្ពស់ដាក់ពន្ធនាគាររយៈពេល ១ ឆ្នាំ ៦ ខែ៕

ប្រែសម្រួល៖នាងតូច

ចុចអាន៖តួលោកតា ០០១ ក្នុងរឿង “Squid Games” បដិសេធរឿងបៀតបៀនផ្លូវភេទនៅក្នុងសវនាការ