ជនរងគ្រោះម្នាក់ថា ខ្លួនឆ្លងជំងឺប្រមេះទឹកបាយ ក្រោយ Kris Wu បង្ខំឱ្យរួមភេទ

ជនរងគ្រោះម្នាក់ដែលត្រូវបាន Kris Wu អតីតសមាជិក EXO ចាប់រំលោភប្រកាន់ថា ខ្លួនឆ្លងជំងឺកាមរោគប្រមេះទឹកបាយ ទោះបីជាតារាសម្តែង និងតារាចម្រៀងរូបនេះកំពុងជាប់ពន្ធនាគារក៏ដោយ ។

កាលពីថ្ងៃទី ២ ខែកុម្ភៈ ប្រព័ន្ធផ្សព្វផ្សាយចិនបានរាយការណ៍ថា អ្នកនិយមលេងអ៊ីនធឺណិតម្នាក់បាន ធ្វើសេចក្តីថ្លែងការណ៍ប្រឆាំងនឹង Kris Wu ដោយតារាសម្តែង និងតារាចម្រៀងរូបនេះកំពុងជាប់ពន្ធនាគារ។ អ្នកនិយមលេងអ៊ីន ធឺណិតម្នាក់នេះ បានបង្ហោះនៅលើបណ្តាញទំនាក់ទំនងសង្គមចិន Weibo ដោយបានរិះគន់ថា នាងមានជំងឺប្រមេះទឹកបាយ បន្ទាប់ពីត្រូវបាន Kris Wu បង្ខំឱ្យរួមភេទ។

លើសពីនេះទៀតជនរងគ្រោះម្នាក់នេះបានសរសេរ “Kris Wu ច្បាស់ជាមានរោគស្វាយ” និងបញ្ជាក់ថា អតីតសមាជិក EXO រូបនេះបានបង្ខំនាងឱ្យរួមភេទអំឡុងពេលមានផ្ទៃពោះ ហើយបានថតវីដេអូដោយសម្ងាត់។ តាមរបាយការណ៍បានឲ្យដឹងថា គ្រួសាររបស់ Kris Wu សុទ្ធតែដឹងពីអាកប្បកិរិយាមិនល្អរបស់លោក ។

ដូចដែលបានដឹងកន្លងមកនេះ តារាសម្តែងនិងច្រៀង Kris Wu ត្រូវបានកាត់ទោសឱ្យជាប់គុក ១៣ ឆ្នាំពីបទរំលោភសេពសន្ថវៈ ដោយប៉ូលិសក៏បានរកឃើញថាបានរួមភេទជាមួយអនីតិជន ជាមួយគ្នានេះ Kris Wu នឹងអាចចាក់ថ្នាំទប់ស្កាត់ចំណង់ផ្លូវភេទនៅពេលដែលនិរទេសទៅត្រឡប់ទៅប្រទេសកាណាដាវិញ ៕

ប្រែសម្រួល៖នាងតូច

ចុចអាន៖Seungri អតីតសមាជិកក្រុម Big Bang នឹងដោះលែងពីពន្ធនាគារនៅចុងសប្ដាហ៍នេះ