Chompoo ពាក់មួករោមសត្វពណ៌លឿងដើរម៉ូដ ផ្អើលពេញផ្សារទំនើប

បើនិយាយពីម៉ូដ​លេខមួយនិងឈរលើតារាងកំពូល​ ​គ្មានអ្នកណាប្រជែងឈ្នះនឹងអ្នកម្តាយកូនបី Chompoo Araya បានឡើយ ស្របពេលដែលនាងទើបតែដាក់មួយឈុត ដើរតាម​ផ្សារទំនើប​ផ្អើល​មហាជនមានវត្តមាននៅទីនោះ។

តាមពិតទៅនាងមកទិញទំនិញ​​ជាមួយ​មិត្តសម្លាញ់​ធម្មតា​ប៉ុណ្ណោះ ប៉ុន្តែ​ម៉ូដ​សំលៀកបំពាក់​របស់​តារា​សម្ដែងស្រី​Chompoo បាន​បង្ក​ការ​ភ្ញាក់ផ្អើលដល់មនុស្សនៅផ្សាទំនើប ឲ្យក្រឡេក​មើល​នាង​យ៉ាង​ភ្ល្លូកទឹកភ្លូកដី។ ក្នុងឈុតនេះដែរ​ នាង​បាន​ពាក់​អាវ​លឿង​និង​សំពត់ខូប៊យ ព្រមទាំង​ស្បែកជើងកវែង ខណៈ​នៅ​លើ​ក្បាល​ឯណោះ​មានមួករោមពណ៌លឿងដ៏ធំមួយ ស្អាតប្លែក ឃើញពីចម្ងាយពិតជាមិនធម្មតាឡើយ។

តាមរយៈរូបភាពប៉ុន្មានសន្លឹកនេះ Chompoo បង្ហោះនៅលើ Instagram ផ្ទាល់ខ្លួន​ ហើយក៏ទទួលការចាប់អារម្មណ៍យ៉ាងខ្លាំងផងដែរ ពីសំណាក់អ្នកគាំទ្រលើបណ្ដាញអ៉ិនធើណេត។ ជាមួយគ្នានេះដែរ មហាជនជាច្រើនចូលបញ្ចេញមតិថា រឿងម៉ូដហៃសូ ប្លែកៗបែបនេះ គ្មានអ្នកណាយកឈ្នះលើអ្នកម្ដាយកូន៣រូបនេះទេ។ មិនប្លែក មិនធម្មតានិងលើសគេ គឺមិនមែន Chompoo Araya នោះទេ៕

ប្រែសម្រួល៖ សាង ស្រីល័ក្ខ

ចុចអាន៖Matthew ជាតារាថៃតែមួយគត់ ឈ្នះពានរង្វាន់លំដាប់ពិភពលោក

រៀមច្បង Anne បង្ហោះរូបប៉ុន្មានសន្លឹក នាំហ្វេនរំលឹកអតីតកាលសន្សំលុយក្នុងកូនជ្រូក