កូនស្រីស្ដេចរ៉េប Eminem ភ្ជាប់ពាក្យជាមួយនាយកប្រតិបត្តិនៅក្រុមហ៊ុន Michigan Scout

ទីបំផុតកញ្ញា Hailie Jade Mathers ភ្ជាប់ពាក្យជាមួយគូស្នេហ៍ ៧ ឆ្នាំគឺលោក Evan McClintock ពួកគេជួបគ្នាដំបូងនៅមហាវិទ្យាល័យរដ្ឋមីឈីហ្គេនក្នុងឆ្នាំ ២០១៦ និងស្រលាញ់គ្នារហូតមកដល់សព្វថ្ងៃ ។

កូនស្រីស្ដេចរ៉េប Eminem បានបង្ហោះរូបគូស្នេហ៍សុំរៀបការបីសន្លឹកចូលទៅក្នុងគណនី Instagram របស់នាងដែលមានអ្នកតាមដាន ៣ លាននាក់ ហើយរូបទាំងនោះបង្ហាញពី Evan លុតជង្គង់សុំនាងរៀបការ បើកស្រាសាំប៉ាញអបអរសាទរ និងរូបចិញ្ចៀនពេជ្យមួយវង់នៅលើដៃ ។

ចំណែកឯអ្នកគាំទ្រវិញនាំគ្នាជូនពរនិងភ្ញាក់ផ្អើលជាខ្លាំង អ្នកខ្លះសរសេរថា “ស្រមៃថាត្រូវសុំ Eminem រៀបការជាមួយកូនស្រីរបស់គាត់” ម្នាក់ទៀតសរសេរថា “ខ្ញុំឆ្ងល់ណាស់ តើគាត់ភ័យឬអត់?”

មិនយូរមិនឆាប់អ្នកទាំងពីរនឹងក្លាយជាគូស្វាមីភរិយាដ៏ល្អឥតខ្ចោះព្រោះចាប់តាំងពីស្រលាញ់គ្នាមកសាធារណជនធ្លាប់ឃើញតែភាពផ្អែមល្ហែមជានិច្ច មិនដែរមានរឿងអាស្រូវឬធ្វើឲ្យ Hailie ពិបាកចិត្តឡើយ ៕ 

ប្រែសម្រួល ៖ វារី

ចុចអាន ៖ គូស្នេហ៍ល្បីឈ្មោះលំដាប់ពិភពលោក ៧ គូនេះ ការពិតជាបងប្អូននឹងគ្នាសោះ