ឆ្នាំ២០២៣ Bella Ranee ក្លាយជាម្ចាស់ទ្រព្យសម្បត្តិវាល់លានដុល្លារ វ៉ាដាច់តារារៀមច្បងច្រើនរូប

តាំងពីបែកបាក់ស្នេហ៍ កាលពីដើមឆ្នាំមុន តួឯកស្រីរឿង “បុព្វេសន្និវាស” Bella Ranee កាន់តែត្រូវប៉ាន់លើការផ្សាយពាណិជ្ជកម្ម និងលេចមុខក្នុងភាពយន្តល្បីៗជាច្រើនរឿង ដែលវាបានធ្វើឱ្យប្រជាប្រិយភាពរបស់នាង កាន់តែកើនឡើងជាលំដាប់។

រាប់តាំងពីឆ្នាំ២០២២មក Bella ក្លាយជាតារាសម្ដែងស្រី ដែលស៊ីថ្លៃខ្លួនខ្ពស់មិនធម្មតាលើការសម្ដែងភាពយន្តខ្នាតធំ ភាពយន្តភាគ ការផ្សាយពាណិជ្ជកម្ម ពិធីការិនី និងចូលរួមព្រឹត្តិការណ៍នានា ដោយប្រាក់ចំណូលទទួលបាន ពិតជាច្រើន​បំផុត​មិន​ធ្លាប់​មាន។

ដោយឡែកកាលពីឆ្នាំ២០២១ ​​​គេហទំព័រ Pantip.com បាន​ប្រកាសថា Bella ជាតារាស្រីស៊ីថ្លៃខ្ពស់បំផុតមួយរូបនៅក្នុងប្រទេស​ ​ខណៈតម្លៃខ្លួន​ពីការ​សម្ដែង​រឿង​ចាប់ពី ២២៣១ដុល្លារក្នុងមួយវគ្គ។ ចំណែកការ​ផ្សាយ​ពាណិជ្ជកម្ម​ចាប់​ពី ២៥ម៉ឺនដុល្លារ និងថ្លៃចូលរួមកម្មវិធីម្ដង​​ប្រហែល ៥ពាន់ដុល្លារ។

មិនត្រឹមជាតារាសម្ដែងស្រីឆ្នើមប៉ុណ្ណោះទេ តាមពិត Bella ក៏ជានាយកក្រុមហ៊ុននៃប្រព័ន្ធផ្សព្វផ្សាយមួយក្នុងប្រទេសថៃផងដែរ ដែលវាជាប្រភពប្រាក់ចំណូល និង​ប្រាក់​ចំណេញរាប់សែនដុល្លារ ​ក្នុង​មួយ​ឆ្នាំៗ។ ​

ដោយសារប្រភពចំណូលដ៏សន្ធឹកសន្ធាប់របស់ Bella កាលពីឆ្នាំកន្លងទៅ យោងតាមរបាយការណ៍ពីគេហទំព័រ ​Networthspot បានវិភាគថា ក្នុងឆ្នាំ២០២៣នេះ តួឯកស្រីរឿង “បុព្វេសន្និវាស” គឺជាម្ចាស់អចលនទ្រព្យ និងប្រាក់សុទ្ធប្រមាណ ៣២.២១លានដុល្លារអាមេរិក ដែលចំនួននេះបានវ៉ាដាច់តារារៀមច្បងជាច្រើនរូប នៅក្នុងប្រទេសថៃ៕

ប្រែសម្រួល៖ សន្យា

ចុចអាន៖ ប្រឡូកសិល្បៈ ២៦ឆ្នាំ កំពូលតារាស្រី Aum Pachayapa នៅសល់ទ្រព្យសម្បត្តិប៉ុន្មានក្នុងដៃ?

ចុចអាន៖ Baifern ក្លាយជាសេដ្ឋីនី ក្ដោបក្ដាប់ទ្រព្យសម្បត្តិ ២០លានដុល្លារ ក្នុងវ័យ ៣០ឆ្នាំ

ចុចអាន៖ ឆ្នាំ២០២៣ តារាជួរមុខថៃ Chompoo Araya ជាម្ចាស់ទ្រព្យសម្បត្តិជិត ៤៥លានដុល្លារ