Lizzo សារភាពរឿងគេចសាលា ដើម្បីមើល Beyonce សម្ដែង

រាល់ពេលតារាឡើងទទួលពាន គេតម្រូវឲ្យអ្នកឈ្នះថ្លែងសន្ទរកថា ឬបង្ហាញចំណាប់អារម្មណ៍នៅលើឆាក គ្រានោះ Lizzo បានចែករំលែករឿងគេចសាលារបស់នាងធ្វើឲ្យគ្រប់គ្នាសើចផ្អើលកម្មវិធី ។

តារាចម្រៀង Lizzo បានឈ្នះពានរង្វាន់ Grammy ឆ្នាំ ២០២៣ សម្រាប់បទចម្រៀងដ៏លេចធ្លោដែលមានចំណងជើងថា “About Damn Time” មុនឈានជើងចុះពីលើឆាក Lizzo បានឱប Adele ដែលជួយត្រេកអរដល់ភាពជោគជ័យរបស់នាងទៀតផង ។

ស្រាប់តែពេល Lizzo ឡើងបង្ហាញចំណាប់អារម្មណ៍នាងនិយាយគួរឲ្យអស់សំណើចថា “ខ្ញុំគេចសាលាកាលពីថ្នាក់ទី ៥ ម៉ោងអក្សរសាស្ត្រដើម្បីមើល Beyoncé សម្ដែងផ្សាយផ្ទាល់ អ្នកបានផ្លាស់ប្ដូរជីវិតខ្ញុំ” ។

ចុងបញ្ចប់តារាចម្រៀងរូបនេះក៏បង្ហើយសន្ទរកថាដោយពាក្យអរគុណជាមួយក្ដីរំភើបរំជួលចិត្តសឹងតែស្រក់ទឹកភ្នែកទៅហើយ ៕

ប្រែសម្រួល ៖ វារី

ចុចអាន ៖ អាវអង្កាំគជ់ខ្យង Camila Cabello ពាក់ទៅ Grammys ចំណាយពេលធ្វើដោយដៃជាង ៤០ ម៉ោង

ចុចអាន ៖ ស្ទះផ្លូវពេក Beyoncé ខកខានទទួលរង្វាន់ក្នុងកម្មវិធី Grammys ២០២៣