ជីវិតកម្សាន្ដ

ជំងឺម្យ៉ាង ធ្វើឲ្យ ពែកមី ស្រកជាង ១០ គីឡូ

បានផុស

២ years មុន

នៅ

ថ្ងៃពុធ ៨ កុម្ភៈ ២០២៣

ដោយ

តារាកំប្លែងល្បីឈ្មោះនាយ ពែកមី មួយរយៈចុងក្រោយនេះ ត្រូវបានអ្នកគាំទ្រកត់សម្គាល់ឃើញថា លោកហាក់មានសាច់ឈាមខុសប្លែកច្រើន ខុសកាលពីប៉ុន្មានឆ្នាំមុន។ មិនតែប៉ុណ្ណោះជារឿយៗគេតែងឃើញលោកចូលពេទ្យដើម្បីពិនិត្យសុខភាពទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញដោយសារតែមូលហេតុឃើញតារាកំប្លែងមានដើមកំណើតពីទឹកដីខេត្តស្វាយរៀង នាយ ពែកមី ហាក់មានការប្រែប្រួលសាច់ឈាមខ្លាំងជាងមុន ពោលគឺគ្រាចូលកំប្លែងដំបូងៗ នាយពែកមី មានសាច់ឈាមស្រស់ថ្លា តែឥឡូវនេះប្រែពីធាត់ធ្លាក់មកស្គម បាក់សម្រស់ខុសឆ្ងាយជាងមុន ទើបមានទស្សនិកជនមួយចំនួនកើតជាចម្ងល់ និងលើកសំនួរថា តើលោកកំពុងមានជំងឺអ្វីបានជាស្រកសាច់ខ្លាំងបែបនេះ?។

ទន្ទឹមគ្នានេះ នៅលើទំព័រផេកផ្លូវការរបស់នាយ ពែកមី កាលពីថ្ងៃទី ០៧ ខែកុម្ភៈ ម្សិលមិញ លោកបានបង្ហោះវីដេអូចេញពីមន្ទីរពេទ្យល្បីមួយនៅក្រុងភ្នំពេញ អមដោយសារដាស់តឿនមហាជនដូច្នេះថា សូមថែរក្សាសុខភាពផងបងប្អូន កុំឲ្យហួសពេល។ នៅក្នុងវីដេអូនេះដែរ នាយ ពែកមី ក៏បានបញ្ជាក់ពីការពិនិត្យសុខភាពផ្ទាល់ខ្លួនផងដែរ។

បើតាមការប្រាប់ឲ្យដឹងពីសាមីខ្លួននាយ ពែកមី បាននិយាយបញ្ជាក់ទៅកាន់មហាជនថា កំឡុងរយៈពេល ៤ ឬ ៥ ខែ លោកតែងទៅមន្ទីរពេទ្យដើម្បីពិនិត្យសុខភាពម្ដង ដែលគិតមកដល់ពេលនេះគឺមានរយៈពេលជាង ២ ឆ្នាំហើយ ដែលលោកត្រូវតាមដានសុខភាពជាប្រចាំ។ លោកបន្តថា “ឥឡូវនេះខ្ញុំស្រកសាច់អស់ជាង ១០ គីឡូ ដោយសារតែពីមុនខ្ញុំមានជំងឺលើសជាតិខ្លាញ់(ខ្លាញ់រុំបេះដូង)”។

តារាកំប្លែងនាយ ពែកមី បានបន្ថែមថា បន្ទាប់ពីការតាមដានសុខភាពដោយទៀងទាត់ពេលវេលា បច្ចុប្បន្នជាតិខ្លាញ់បានស្រកអស់ហើយ។ ក្នុងនោះលោកក៏បានណែនាំចំពោះអ្នកគាំទ្រ និងមហាជន ឲ្យថែរក្សាសុខភាព និងត្រូវឧស្សាហ៍ពិនិត្យអំពីបញ្ហាសុខភាពផ្ទាល់ខ្លួនញឹកញាប់ផងដែរ៕

អត្ថបទ ៖ ចាន់រ៉ា