ជីវិតកម្សាន្ដ

Song Hye Kyo លេចមុខលើកនេះ សម្រស់កាន់តែក្មេងលើសមុន

បានផុស

២ years មុន

នៅ

ថ្ងៃព្រហស្បតិ៍ ៩ កុម្ភៈ ២០២៣

ដោយ

កាលពីថ្ងៃទី ០៨ ខែកុម្ភៈ ព្រឹត្តិការណ៍ FENDI នៅទីក្រុងសេអ៊ូល ដែលប្រារព្ធឡើងនៅសាលសិល្បៈ DDP ដោយមានតារាល្បីៗជាច្រើនត្រូវបានអញ្ជើញឲ្យចូលរួមក្នុងព្រឹត្តិការណ៍នោះ រួមមាន Song Hye Kyo, Kim Dami, Zico, Lee Min Ho, Park Hyungsik, Yuki (G)I -DLE, Sunmi និងច្រើនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញក្នុងព្រឹត្តិការណ៍ដ៏អស្ចារ្យនេះដែរ តារាស្រី Song Hye Kyo ទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រនិងអ្នកដែលមានវត្តមាននៅទីនោះ ខណៈនាងស្លៀកឈុតពណ៌ប្រផេះពីខាងក្នុង ដោយមានខោសជាប់ជាមួយ និងពាក់អាវពណ៌បៃតងចាស់ពីក្រៅ ព្រមទាំងតុបតែងមុខស្រាលៗ ធ្វើនាងមើលទៅក្មេងខ្លាំង ស្ទើរតែមិនជឿនឹងភ្នែកថាតារាកូរ៉េរូបនេះមានអាយុ ៤១ឆ្នាំឡើយ។

បន្ទាប់ពីរូបភាពរបស់នាងបានផ្សាយជាសាធារណៈ អ្នកគាំទ្រជាច្រើនបានសរសើររូបរាងរបស់រៀមច្បង Song Hye Kyo ថាស្អាតគួរឲ្យស្រលាញ់ ហើយក៏មិនដឹងថា មហាជនដែលតិះដៀលនាងថាមានមុខចាស់នោះ តើចាស់ត្រង់ណា! បើនាងមើលទៅក្មេងជាងអាយុផង!

បន្ថែមពីនេះដែរកាលពីលើកមុន Song Hye Kyo ទើបតែបញ្ចេញរូបរាងថ្មីស្អាតមិនធម្មតាជូនដល់អ្នកគាំទ្រ មុននឹងភាពយន្តដ៏ល្បីល្បាញ “The Glory” វគ្គ២ ត្រៀមនឹងចាក់បញ្ចាំងម្ដងទៀត ហើយនេះគឺជាសម្រស់ដ៏ស្រស់ស្អាតមិនធ្លាប់ឃើញដូចគ្នា៕