ជីវិតកម្សាន្ដ

ជេស៊ីកា ប្រតិកម្មឆ្លើយតបការរិះគន់រូបថតឱបរឹតតារាប្រុស ប៉ែន ភក្រ័សុធារិទ្ធ

បានផុស

២ years មុន

នៅ

ថ្ងៃព្រហស្បតិ៍ ៩ កុម្ភៈ ២០២៣

ដោយ

ថ្មីៗនេះ អ្នកប្រើប្រាស់បណ្ដាញសង្គមហ្វេសប៊ុក និងTik Tok ជាច្រើន បានប្រទះឃើញតារាចម្រៀងវ័យក្មេងសម្បូរមន្តស្នេហ៍កញ្ញា ជេស៊ីកា ថតកៀកកើយគ្នា និងស្និទ្ធស្នាលផ្អែមល្ហែមជាមួយតារាសម្ដែងប្រុសលោក ប៉ែន ភក្រ័សុធារិទ្ធ បង្កការចាប់អារម្មណ៍ខ្លាំងដល់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហាញរូបភាពដោយភាពស្និទ្ធស្នាលឱបរឹតផ្អែមល្ហែមលក្ខណៈសិចស៊ីនេះ មិនត្រឹមតែធ្វើឲ្យមហាជន និងអ្នកគាំទ្រជាច្រើនចាប់អារម្មណ៍នោះទេ ថែមទាំងមានការចុះផ្សាយនៅលើបណ្ដាញសារព័ត៌មានក្នុងស្រុកមួយចំនួនទៀតផង។ ក្នុងនោះគេក៏ឃើញអ្នកគាំទ្រមួយចំនួន ផ្ទុះការរិះគន់យ៉ាងចាស់ដៃទៅលើតារាស្រីរូបនេះ ដោយហេតុថា ដើម្បីបានភាពល្បីល្បាញ និងលុយ ធ្វើឲ្យនាងអាចហ៊ានធ្វើបានបែបនេះ។

ក្រោយមានការបែកធ្លាយនូវរូបថតកៀកកើយ និងស្និទ្ធស្នាលរបស់តារាប្រុស-ស្រីទាំងពីរដួង បង្កការរិះគន់នោះ កញ្ញា ជេស៊ីកា បានចេញមកបញ្ជាក់ថា អរគុណសម្រាប់ការរិះគន់ចំពោះខ្ញុំ ការងារអ្វីក៏មានតម្លៃរបស់វាដែរ មិនថា តូច ឬធំ សួរថា នរណាដែលមិនខំធ្វើការដើម្បីប្រាក់ ខ្ញុំស្រលាញ់ការងារជាតារាសម្ដែងនេះ តែខ្ញុំច្បាស់ពីតួនាទីរបស់ខ្ញុំ ខ្ញុំមានសតិសម្បជញ្ញៈដឹងខុសត្រូវពីអ្វីដែលគួរធ្វើ និងមិនគួរ។

បន្ថែមពីលើនេះ តារាសម្ដែងស្រីសិចស៊ី កញ្ញា ជេស៊ីកា បានលើកឡើងថា ខ្ញុំគិតថា ការសម្ដែងរបស់ខ្ញុំក៏មិនបានធ្វើឲ្យបងអូនដែលស្រលាញ់វប្បធម៌ផ្លាស់ប្ដូរគំនិតមកឈប់ស្រលាញ់វប្បធម៌វិញដែរ។ សូមបើកចិត្តឲ្យទូលាយ ខ្ញុំសមត្ថភាពរបស់ខ្លួន។