Rosé ប្រតិកម្ម ក្រោយឃើញអ្នកគាំទ្រវាយតប់គ្នានៅឯការប្រគំតន្ត្រីនាង

Rosé សមាជិកក្រុម BLACKPINK បានធ្វើឲ្យអ្នកលេងអ៊ីនធឺណិតមានការចាប់អារម្មណ៍ខ្លាំងជាមួយនឹងប្រតិកម្មក៏ដូចជាក្ដីបារម្ភរបស់នាង បន្ទាប់ពីបានឃើញអ្នកគាំទ្រវាយតប់គ្នានៅឯការប្រគំតន្ត្រីរបស់នាងពេលថ្មីៗនេះ ។

ប្រតិកម្មគិតរបស់ Rosé នៅពេលដែលអ្នកគាំទ្រ BLACKPINK ចាប់ផ្តើមវាយគ្នានៅឯការប្រគំតន្ត្រីរបស់ BLACK PINK នៅទីក្រុង Abu Dhabi ថ្មីៗនេះកំពុងទទួលបានការចាប់អារម្មណ៍យ៉ាងខ្លាំង។ អ្នកគាំទ្របានរៀបចំកម្មវិធីពិសេសមួយ និងការអបអរសាទរដល់ Rosé នៅខួបកំណើតរបស់នាង ដោយមានអារម្មណ៍សប្បាយចិត្ត និងអរគុណចំពោះក្តីស្រលាញ់ Rosé ក៏សម្រេចចិត្តបោះអាវក្រណាត់ចុះក្រោមសម្រាប់ទស្សនិកជនដែលមានសំណាងក្នុងកម្មវិធីប្រគុំតន្ត្រី។

ជាមួយគ្នានេះ កាយវិការផ្អែមល្ហែមរបស់នាង ស្ទើរតែប្រែទៅជាគ្រោះថ្នាក់ នៅពេលដែលអ្នកគាំទ្រចាប់ផ្តើមវាយគ្នា ដណ្តើមអាវក្រណាត់មួយនេះ រហូតដល់ហិង្សាស្ទើរតែផ្ទុះឡើង។ ជាពិសេសនៅពេលដែល Rosé ប្រទះឃើញស្ថានភាពនោះ តារាស្រីរូបនេះបានបង្ហាញក្តីបារម្ភយ៉ាងខ្លាំង ហើយក៏បានបញ្ឈប់ហេតុការណ៍មួយនេះ។ យោងតាមគណនីរបស់អ្នកគាំទ្រនៅកន្លែងកើតហេតុ Rosé ថែមទាំងបានត្រលប់មកមើលកន្លែងកើតហេតុម្តងទៀត ដោយធ្វើឱ្យប្រាកដថាមិនមានឧប្បត្តិហេតុកើតឡើង។

យ៉ាងណាមិញ បច្ចុប្បន្ននេះប្រតិកម្មរបស់ Rosé កំពុងតែត្រូវបានចែករំលែកនៅលើបណ្តាញសង្គម ហើយទទួលបានការសរសើរយ៉ាងច្រើនពីអ្នកគាំទ្រ និងអ្នកលេងអ៊ីនធឺណេតដូចគ្នា ចំពោះអាកប្បកិរិយាប្រកបដោយការគិតគូរ និងផ្អែមល្ហែមរបស់នាង៕

ប្រែសម្រួល៖នាងតូច

ចុចអាន៖ប៉ូលិសកំពុងស៊ើបអង្កេតតារាសម្ដែង Yoo Ah-in ប្រើប្រាស់ថ្នាំខុសច្បាប់