Leonardo DiCaprio រងការរិះគន់ ក្រោយណាត់ជួបជាមួយតារាម៉ូដែលវ័យ ១៩ ឆ្នាំ

តារាសម្តែង Leonardo DiCaprio ដែលជាម្ចាស់ពានរង្វាន់អូស្ការ ត្រូវបានអតីតអ្នកផ្សព្វផ្សាយ Fox News លោកស្រី Megyn Kelly រិះគន់ចំពេលមានពាក្យចចាមអារ៉ាមថា លោកកំពុងទាក់ទងជាមួយតារាម៉ូដែលអាយុ ១៩ ឆ្នាំ ។

តួឯកប្រុសរឿង “កប៉ាល់ Titanic” វ័យ ៤៨ ឆ្នាំត្រូវបានគេស្គាល់ថា ជាទម្លាប់របស់លោកក្នុងការណាត់ជួបមនុស្សស្រីដែលមានអាយុក្រោម ២៥ ឆ្នាំ ហើយថ្មីៗនេះទំនាក់ទំនងរបស់គាត់ជាមួយតារាម៉ូដែល Eden Polani អាយុ ១៩ ឆ្នាំបន្ទាប់ពីលោកបានចែកផ្លូវជាមួយមិត្តស្រីយូរឆ្នាំ Camila Morrone កាលពីខែ សីហា ឆ្នាំមុន។

ថ្មីៗនេះអតីតពិធីករ Fox News វ័យ ៥២ លោកស្រី Megyn Kelly បានរិះគន់លោក Leonardo DiC aprio ចំពោះការចូលចិត្តណាត់ជួបតារាម៉ូដែលវ័យក្មេង អំឡុងពេលការផ្សាយកាលពីថ្ងៃ អង្គារ នៃផតឃែស្ថ SiriusXM របស់គាត់ The Megyn Kelly Show ថា “លោក Leonardo DiCaprio នឹងបន្តទាក់ទងក្មេងជំទង់ពេញមួយជីវិតរបស់លោក” ជាពិសេស Kelly បានបន្តថា “សម្រាប់ការណាត់ជួបស្ត្រីម្នាក់វ័យរបស់នាងពិតជាអាចជាកូនស្រីរបស់លោកបាន “។

យ៉ាងណាមិញ លោក Leonardo DiCaprio ធ្លាប់ទាក់ទងស្នេហាជាមួយនឹងតារាម៉ូដែល និងតារាសម្ដែងវ័យជាច្រើនរូបរួមមាន តារាសម្តែង Blake Lively, Bar Refaeli, Nina Agdal, Camila Morrone និង Gigi Hadid ក្នុងចំណោមអ្នកផ្សេងទៀត។ ពួកគេទាំងអស់គ្នាបានណាត់ជួបតារាសម្ដែងរូបនេះ កាលពីពួកគេមានអាយុមិនទាន់ដល់ពាក់កណ្ដាលអាយុ ២០ ឆ្នាំ ៕

ប្រែសម្រួល៖នាងតូច

ចុចអាន៖អ្នកគាំទ្រសង្ស័យ Leonardo DiCaprio លួចទាក់ទងតារាម៉ូដែលវ័យ ១៩ ឆ្នាំ