ជីវិតកម្សាន្ដ

មរតកដែលសេដ្ឋី Nott ត្រៀមប្រគល់ឱ្យ Chompoo ដេកចាយមួយជីវិតមិនអស់

បានផុស

២ years មុន

នៅ

ថ្ងៃសុក្រ ១០ កុម្ភៈ ២០២៣

ដោយ

Sonya

បន្ទាប់ពីលេចឮរឿងអាស្រូវស្នេហាក្បត់ចិត្តភរិយា សេដ្ឋីស្រុកថៃ Nott Visrut បានប្រកាសផ្ទេរទ្រព្យសម្បត្តិរបស់ខ្លួនទាំងអស់ឱ្យ Chompoo ប្រសិនបើថ្ងៃមុខមានរឿងហេតុមិនល្អកើតឡើងចំពោះលោក ខណៈទំហំនៃទ្រព្យសម្បត្តិដែលនឹងផ្ទេរ ទើបតែមានប្រព័ន្ធផ្សព្វផ្សាយទម្លាយនាពេលថ្មីៗនេះឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្វាមី Chompoo Araya តារាលំដាប់កំពូលក្នុងវិស័យសិល្បៈថៃ បានធ្វើឱ្យមហាជនមានការភ្ញាក់ផ្អើលជាខ្លាំង ក្រោយសេដ្ឋីរូបនេះ ប្រកាសផ្ទេរមរតកទាំងអស់ឱ្យទៅភរិយា សម្រាប់ផ្គត់ផ្គង់នាង និងមើលថែកូនៗ ដែលមរតកនេះមានតម្លៃជិត ៣០០លានដុល្លារឯណោះ។

មរតកនេះត្រូវគេដឹងថា មានទំហំប្រមាណ ២៩៦.៩លានដុល្លារ ដោយវារាប់បញ្ចូលនូវប្រាក់សុទ្ធ អចលនទ្រព្យ និងជំនួញទាំងអស់របស់ Nott Visrut ។ អំឡុងពេលប្រកាសផ្ទេរមរតក សេដ្ឋីរូបនេះ បញ្ជាក់មូលហេតុថា លោកចង់ផ្តល់សិទ្ធិឱ្យប្រពន្ធដើម្បីមើលថែគ្រួសារតូចរបស់លោក និងចង់ឱ្យនាង ព្រមទាំងកូនៗរស់នៅក្នុងជីវភាពស្រណុកស្រួល។

គួររំលឹកថា តារាសម្ដែង Chompoo Araya បានប្រកាសរៀបការជាមួយមហាសេដ្ឋី Nott Visrut ក្នុងកំលុងឆ្នាំ២០១៥ ក្រោយស្រឡាញ់គ្នាអស់រយៈពេល ៧ឆ្នាំ។ ចាប់តាំងពីរៀបការរួច ពួកគេបានក្លាយជាគូស្នេហ៍ដ៏ឥទ្ធិពលនៅក្នុងប្រទេស ហើយបច្ចុប្បន្នប្ដីប្រពន្ធមួយគូនេះ មានកូន ៣នាក់ ជាចំណងដៃនៃអាពាហ៍ពិពាហ៍៕