ជីវិតកម្សាន្ដ

Rihanna ប្រកាសពពោះលើកទី ២ ទាំងកូនដំបូងមិនទាន់ចេះនិយាយ

បានផុស

២ years មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

ព័ត៌មានពរពោះកូនទីពីររបស់តារាចម្រៀង Rihanna ត្រូវលេចឮនៅពាក់កណ្ដាលការសម្ដែងក្នុងកម្មវិធីកីឡាបាល់ឱប Super Bowl LVll នាថ្ងៃទី ១៣ ខែកុម្ភៈ ខណៈកូនដំបូងរបស់នាងមិនទាន់ចេះនិយាយស្រួលបួលផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រជឿជាក់ថា Rihanna បានប្រកាសពីការមានផ្ទៃពោះលើកទីពីររបស់នាងអំឡុងពេលការសម្ដែង នៅពេលចាប់ផ្តើមកម្មវិធី ពេលតារាស្រីរូបនេះចុះពីលើឆាកហើយនាងបានបើកឈុតខោជើងវែងពណ៌ក្រហម ដើម្បីបង្ហាញទារកមើលទៅហាក់ដូចជាកំពុងលូតលាស់ និងបានត្រដុសពោះរបស់នាងភ្លាមៗផងដែរ។

មកទល់ពេលនេះ ឪពុកកូនរបស់ Rihanna គឺជាតារារ៉េប A$AP Rocky បន្ទាប់ពួកគេបានចាប់ដៃគ្នាកាលពីចុងឆ្នាំ ២០២០ និងមានកូនប្រុសអាយុ ៨ ខែម្នាក់រួមគ្នារួចមកហើយ ។

ទោះយ៉ាងណាកូនប្រុសដំបូងរបស់កំពូលតារាចម្រៀងស្រីរូបនេះ មិនត្រូវបានបង្ហើបឈ្មោះសាធារណៈនោះទេ សូម្បីតែលោក Ronald Fenty ឪពុក Rihanna ក៏មិនហ៊ានប្រាប់ដែរ។ លោក Ronald មានប្រសាសន៍ថា “នាងជាម្ដាយការពារកូនខ្លាំងណាស់ បើខ្ញុំប្រាប់អ្នក នាងនឹងកោរសក់ខ្ញុំជាមិនខាន”។

ដោយឡែកកាលពីដើមសប្តាហ៍នេះ ម្ចាស់បទ “Love on the Brain” បានបើកបង្ហាញអំពីរបៀបក្លាយជាម្តាយមានឥទ្ធិពលលើការសម្រេចចិត្តរបស់នាងក្នុងការឡើងឆាក សម្រាប់កម្មវិធី Super Bowl Halftime ថែមទៀត៕