ជីវិតកម្សាន្ដ

Chompoo ស្រក់ទឹកភ្នែក នៅថ្ងៃដែលស្វាមីជួបបញ្ហាធ្ងន់ធ្ងរខ្លាំងក្នុងជីវិត

បានផុស

២ years មុន

នៅ

ថ្ងៃអង្គារ ១៤ កុម្ភៈ ២០២៣

ដោយ

Chompoo បង្ហាញមោទនភាពចំពោះស្វាមី និងប្រាប់ពីយប់មានបញ្ហាធ្ងន់ធ្ងររហូតក្លាយជាមនុស្សធ្លាប់គេងលក់ស្រួល ទៅជាគេងមិនលក់ ព្រមទាំងត្រូវក្រោកពីព្រលឹម ត្រៀមខ្លួនសម្រាប់ដោះស្រាយរឿងដែលកំពុងជួប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈកម្មវិធី 3Zaap ដែលជាកិច្ចសម្ភាសន៍អំពីរឿងស្នេហា Chompoo Araya និងស្វាមីហៃសូ Nott Wisarut បានកាន់ដៃគ្នាយ៉ាងជាប់ ហើយពេលនោះនាងបានស្រក់ទឹកភ្នែក នៅពេលរម្លឹកពីការងាររបស់ស្វាមីដែលម្ចាស់ក្រុមហ៊ុនរោងចក្រខ្សែភ្លើងនៅខេត្ត Phra Nakhon Si Ayutthaya កំពុងជួបបញ្ហាធំក្នុងជីវិត។

តារាសម្ដែង Chompoo និយាយទាំងស្រក់ទឹកភ្នែក ប្រាប់ពីមោទនភាពរបស់នាងចំពោះស្វាមីថា “ខ្ញុំដឹងថា វាមិនមែនជារឿងងាយស្រួលទេសម្រាប់ប្តីខ្ញុំ មកដល់ថ្ងៃនេះ។ ខ្ញុំមានមោទនភាពដែលរោងចក្រប្តីជាប់លេខ១ក្នុងចំណោម៣ ព្រោះខ្ញុំធ្លាប់ស្តាប់ក្តីស្រមៃរបស់ប្តី។ ខ្ញុំជឿជាក់លើប្តីរបស់ខ្ញុំតាំងពីដំបូងដែលខ្ញុំមិនបានឃើញរូបភាពនេះ។ មានពេលខ្លះដែលមានបញ្ហាធំ គាត់គេងមិនលក់ទេ ជាធម្មតាគាត់ជាអ្នកគេងលក់ស្រួល ប៉ុន្តែក្នុងអំឡុងពេលគេងមិនលក់ខ្លាំង ក្លាយជាមនុស្សដែលក្រោកពីព្រលឹមរាល់ថ្ងៃ។ ប៉ុន្តែគាត់មិនដែលប្រាប់បញ្ហាណាមួយមកកាន់ខ្ញុំឡើយ។ ក្រោយមកខ្ញុំដឹង ហើយយំយ៉ាងខ្លាំងនៅពេលនោះ។ ទោះយ៉ាងណា គាត់ប្រឹងប្រែងជម្នះបញ្ហានិងយកកូនៗជាកម្លាំងចិត្តដោយសារតែគាត់តែងតែមើលថែរគ្រួសារបានយ៉ាងល្អ ទោះមានរឿងអ្វីគាត់គឺជាស្វាមីល្អមករហូត”។

ត្បិតថាមានរឿងរ៉ាវជាច្រើនបានកើតឡើងរវាងអ្នកទាំងពីរកន្លងមកប៉ុន្តែ Chompoo និងស្វាមី តែងតែស៊ូជម្នះជាមួយគ្នារហូតទទួលបានផ្លែផ្កា។ ជាក់ស្ដែងរឿងអាស្រូវស្វាមីលួចលាក់ចិញ្ចឹមស្រីក្មេង ប្រសិនបើនាងគ្មានការជឿជាក់លើគ្នាប្រាកដណាស់ចចាមអារ៉ាមទាំងនោះ នឹងជារនាំងឃាំងគូស្នេហ៍នេះឲ្យបែកបាក់គ្នាមិនខានឡើយ៕