ជីវិតកម្សាន្ដ

ក្រោយរងការរិះគន់ថា Mario ធាត់ខ្លាំង ពេលនេះធ្លាយឃ្លិបមួយបង្ហាញពីរូបពិត

បានផុស

២ years មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

បន្ទាប់ពីរងការរិះគន់ពីសំណាក់អ្នកលេងអ៊ីនធឺណិតថា មិនចេះមើលថែរូបរាងរហូតធ្វើឲ្យធាត់ខ្លាំង ពេលនេះមានអ្នកប្រើប្រាស់ TikTok ម្នាក់បានបង្ហោះឃ្លិបលើបណ្ដាញសង្គមមួយនេះ ពីរាងរៅរបស់តារាសម្ដែង Mario Maurer ពិតប្រាកដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈឃ្លិបនិងរូបភាពបានបញ្ចាក់ថា Mario Maurer មិនបានធាត់ដូចគណនីនោះបានបង្ហោះពីរូបលោកសោះឡើយ។ ជាងនេះទៅទៀត តារាសម្ដែងរូបនេះហាក់មានរាងស្ដើង កាន់តែសង្ហា មុខក៏ស្រស់ស្អាតជាងមុនទៀត។

យ៉ាងណាមិញ ក្រោយការបង្ហោះនេះមិនប៉ុន្មាន អ្នកគាំទ្រជាច្រើនបានចូលរួមបញ្ចេញមតិថា Mario ស្អាតហើយសង្ហាមិនក្រអឺតក្រទមឬឆ្មើងឆ្មៃដូចពាក្យចចាមអារ៉ាមសូម្បីតែបន្តិចណាឡើយ។ មិនត្រឹមសង្ហាប៉ុណ្ណឹងទេ តែលោកក៏គួរឲ្យស្រលាញ់ ហើយអ្នកណាចង់និយាយថា Mario បែបណាមិនសំខាន់ៗគឺអ្នកគាំទ្រនៅតែស្រលាញ់រូបលោកជានិច្ច។

សូមជម្រាបដែរថាកាលពីសប្ដាហ៍មុន តាមរយៈទំព័រដ៏ល្បីមួយបានលើកយកប្រធានបទប្រកាសនៅលើ Instagram ដោយសរសេរសាររិះគន់ Mario ថា “ហេតុអ្វីមិនរក្សារូបរាងទាល់តែសោះ លោកជាតារាសម្ដែងមុខមូល រាងក្រាស់ គូទធំ មើលទៅដូចមនុស្សធាត់យ៉ាងម៉េចទេ” ដោយភ្ចាប់ជាមួយរូបថតតារាប្រុសរូបនេះច្រើនសន្លឹកថែមទៀតផង។ ប៉ុន្តែក្នុងនោះក៏មានមិត្តក្នុងវិស័យសិល្បៈរួមទាំងអ្នកគាំទ្រជាច្រើន បានបញ្ចេញមតិមិនស្រប ហើយលើកទឹកចិត្តដល់លោកកុំឲ្យយករឿងនេះមកដាក់ក្នុងចិត្ត៕