ជីវិតកម្សាន្ដ

តួឯកស្រីរឿង “ស្រមោលពិសស្នេហ៍” បង្ហោះសារក្រើនរម្លឹក កុំងប់ងុលនឹងការបង់រម្លស់ពេក

បានផុស

២ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

បន្ទាប់ពីតារាសម្ដែងស្រី Marie Broenner បាននិយាយក្នុងកម្មវិធីមួយថា ប្រជាជនថៃមានទម្លាប់ងប់ងុលនឹងការបង់រម្លស់ រហូតវាក្លាយជានិន្នាការចម្រូងចម្រាសដែលត្រូវបានគេលើកយកមកជជែកគ្នាក្នុងបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកនាថ្ងៃម្សិលមិញនេះ តួឯកស្រីក្នុងរឿង “ស្រមោលពិសស្នេហ៍” បានចេញមកបង្ហោះសារសុំទោស និងបញ្ជាក់ពីបញ្ហាដែលនាងបានលើកឡើងតាមរយៈ Instagram Stories ផ្ទាល់ខ្លួន ក្នុងនោះនាងបានថ្លែងសារថា “Marie ចង់ប្រើកន្លែងនេះដើម្បីបញ្ជាក់អំពីអ្វីដែលបានកើតឡើង! ពីខ្លឹមសារនៃឃ្លិប Marie បានប្រើពាក្យ “ប្រជាជនថៃ” ញៀននឹងទម្លាប់បង់រម្លស់ ដែលជាការពិត ខ្ញុំមិនចង់មានន័យអវិជ្ជមានទេ។ ព្រោះខ្ញុំសំដៅទៅលើខ្លួនខ្ញុំផងដែរ។ ខ្ញុំមានបទពិសោធន៍បង់រម្លស់ផ្ទះទាំងមូល ទាំងឡាន។ ក្រោយមក ខ្ញុំពិតជាមានការសោកស្ដាយយ៉ាងខ្លាំង ហើយនេះគ្រាន់តែចង់ផ្តល់យោបល់ នៅក្នុងអ្វីដែលខ្ញុំបានជួបប្រទះកន្លងមកតែប៉ុណ្ណោះ។

តារាសម្ដែងបានទាំងតួកាចនិងតួឯកស្រីរូបនេះ បានបញ្ចាក់ឲ្យកាន់តែច្បាស់ទៀតថា តាមពិតទៅនាងចង់ចែករំលែកជាមួយអ្នកស្តាប់ ចង់ឲ្យអ្នកគ្រប់គ្នាប្រុងប្រយ័ត្នចំពោះការដំឡើងផ្សេងៗ នេះមិនមែនមានន័យថាការបង់រម្លស់មិនល្អ ឬមិនចាំបាច់នោះទេ។ ប្រហែលជាយើងជ្រើសរើសបង់រម្លស់ច្រើនដោយមិនគិតលម្អិត (តាមបទពិសោធន៍ផ្ទាល់ខ្លួនរបស់នាង និងអ្នកដែលនៅជុំវិញនាង) អាចក្លាយជាថ្លៃដើមដែលលើសពីខ្លួនឯង ហើយអាចនឹងបង្កបញ្ហានៅថ្ងៃអនាគត។ យ៉ាងណាមិញនាងគ្រាន់តែចង់ឲ្យអ្នកទាំងអស់គ្នាគណនាឲ្យបានល្អ មិនមានចេតនាប្រមាថអ្នកដទៃទាល់តែសោះ។ ប្រសិនបើមានកំហុស ឬប្រើពាក្យខុស ឬបណ្តាលឲ្យមានការយល់ច្រឡំណាមួយ។ នាងក៏សុំទោសអ្នកទាំងអស់គ្នានៅទីនេះតែម្ដង!