Margie ទទួលបានកាដូដ៏មានតម្លៃពីស្វាមី ហើយថាខ្លួនជានារីសំណាងជាងគេ

នៅក្នុងថ្ងៃទិវានៃក្ដីស្រឡាញ់ឆ្នាំនេះ តារាថៃ Margie Rasri បានទទួលអំណោយធំពីស្វាមី ខុសប្លែកពីមនហាជនទូទៅបន្តិច ព្រោះអំណោយនេះគឺជាចិញ្ចៀនពេជ្រដ៏ប្រណីត ព្រមទាំងមានតម្លៃថ្លៃខ្លាំងទៀតផង។

ទិវានៃក្ដីស្រឡាញ់ឆ្នាំ២០២៣ លោក Pok ស្វាមីរបស់តារាសម្ដែង Margie Rasri បានធ្វើឱ្យទស្សនិកជនលួចច្រណែននឹងសុភមង្គលគ្រួសារសឹងតែគ្រប់គ្នា បន្ទាប់ពីលោកបានទិញចិញ្ចៀនពេជ្រដ៏មានតម្លៃជូនភរិយាសំណព្វចិត្ត ទោះបីអំណោយនេះលោកធ្លាប់ជូននាងជាច្រើនដងក៏ដោយ។

ថ្ងៃ Valentine ឆ្នាំនេះ ជាឆ្នាំទី៨ហើយ ដែលគូស្វាមីភរិយា Pok-Margie បានឆ្លងរួមគ្នា ខណៈឆ្នាំនេះទំនាក់ទំនងប្ដីប្រពន្ធអ្នកទាំងពីរនៅតែមានផ្អែមល្ហែមជាមួយគ្នា គួរឱ្យសរសើរ។ ក្រោយទទួលបានចិញ្ចៀនពេជ្រពីស្វាមី Margie បានចេញសារមួយបង្អួតទស្សនិកជនថា នាងជានារីមានសំណាងជាងគេ មិនមែនដោយសារចិញ្ចៀនពេជ្រ ឬរបស់របរថ្លៃៗដែលស្វាមីទិញជូននោះទេ តែនាងជានារីសំណាងដែលមានស្វាមីជាបុរសល្អ និងយល់ចិត្តភរិយាគ្រប់យ៉ាង៕

ប្រែសម្រួល៖ សន្យា

ចុចអាន៖ មុនទិវានៃក្ដីស្រឡាញ់ គូស្នេហ៍ Naphat-Baifern ណាត់ជួប ជូនកាដូគ្នាយ៉ាងផ្អែមល្ហែម

ចុចអាន៖ ល្បីថា តួឯកប្រុសរឿង “បុព្វេសន្និវាស” ផ្ញើសារញ៉ែប្រពន្ធគេ