ជីវិតកម្សាន្ដ

ហ្វេនរំភើបចិត្ត ក្រោយឃើញ Bella កាន់បាច់ផ្កាកៀកកើយមនុស្សម្នាក់

បានផុស

២ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

ថ្ងៃ Valentine ឆ្នាំនេះ គូស្នេហ៍ក្នុងវិស័យសិល្បៈថៃជាច្រើនបានបង្ហាញក្ដីស្រលាញ់រៀងៗខ្លួននៅលើបណ្ដាញអ៊ីនធឺណិត ហើយ Bella Ranee ក៏បានបង្ហោះរូបភាពប៉ុន្មានសន្លឹក ខណៈមហាជនក៏មានក្ដីរភើបលាយឡំនឹងភាពភ្ញាក់ផ្អើលជាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម IG ផ្ទាល់ខ្លួន តារាស្រីរូបនេះបានបង្ហោះរូបដំបូងដោយនាងបានកាន់បាច់ផ្កាកុលាបពណ៌ស្វាយលាយពណ៌ផ្កាឈូកស្រាល រួមជាមួយនឹង caption ថា “My Valentine,អូ ខ្ញុំអាចបើកបាន” ហើយនៅក្បែរនោះក៏មានមនុស្សអង្គុយបែរខ្នងថតជាមួយនាងថែមទៀត។ ដោយសារតែរូបភាពនោះបង្ហាញពីមនុស្សសក់ខ្លី ធ្វើឲ្យហ្វេនគិតស្មានថា Bella អាចមានរកបានអ្នកស្អំបេះដូងបានហើយ។

យ៉ាងណាមិញក្រោយមើលរូបភាពជាបន្តអ្នកគាំទ្រក៏ហួសចិត្តមិនតិចដែរ តាមការពិតអ្នកដែលកាត់សក់ខ្លីបែរខ្នងគឺជាអ្នកម្ដាយជាទីស្រឡាញ់របស់ Bella សោះ។ ទោះយ៉ាងណាហ្វេនរបស់តួឯកស្រីក្នុងរឿង “ភ្លើងបុណ្យ” រូបនេះក៏បានចូលមកបញ្ចេញមតិសរសើរពីសម្រស់ម៉ែកូននៅតែស្រស់ស្អាត និងគួរឲ្យស្រលាញ់បំផុត។ ក្នុងនោះម្នាក់ៗក៏បាននិយាយ ថា Happy Valentine’s Day និងចំអន់លើផ្កាដែល Bella ទទួលបានថា បើជាមនុស្សប្រុសប្រគល់ឲ្យពិតជាល្អយ៉ាងណាទេ! ហើយនេះជាដំណឹងមួយ ដែលគ្រប់គ្នាចង់ឲ្យនាងទទួលបានវាផងដែរ៕