ប្អូនថ្លៃ Chompoo ប្រកាសដំណឹងមានផ្ទៃពោះ ក្រោយរៀបការជាង ២ ខែ

បន្ទាប់ពីដឹកដៃគ្នាចូលរោងជ័យ​កាលពីពាក់កណ្ដាលខែធ្នូ នាឆ្នាំ២០២២កន្លងទៅ ពេលនេះតារាសម្ដែង Patricia Good​ បានប្រកាសដំណឹងល្អដល់​មហាជន​ថា នាង​មានផ្ទៃពោះកូនដំបូងហើយ។

តាមរយៈបណ្ដាញសង្គម Instagram តួឯកស្រីក្នុង​រឿង “សត្រូវមិត្ត” បាន​បង្ហោះ​​រូបភាព​សំលៀកបំពាក់​របស់​កុមារ ព្រមជាមួយនឹងខេបសិន​​ជាភាសាអគ្លេសថា”Surprise!! Incredibly excited to announce that we are expecting our little one in 2023..”មានន័យថា “រំភើប!!​មិន​គួរ​ឲ្យ​ជឿ​​ ​យើង​រំពឹង​ថា​នឹង​មាន​កូន​តូច​របស់​យើង​នៅ​ឆ្នាំ ២០២៣” ។

យ៉ាងណាមិញ​ នេះ​ជា​ចាត់​ទុក​ថា​ជា​ដំណឹង​ដ៏​រីករាយ​របស់​គូស្នេហ៍​សេដ្ឋី​ថៃ​ Patricia-Note ខណៈ​​​មិត្ត​ក្នុង​វិស័យ​កម្សាន្ត រួមទាំង​អ្នកគាំទ្រ​បាន​ចូលមក​អបអរសាទរ​ដល់ពួកគេ ហើយក៏​ទន្ទឹង​រង់ចាំ​ឃើញមុខកូនតូច​ថា​គួរឲ្យ​ស្រលាញ់ដូចឪពុកឬខាងម្ដាយ។ មកទល់ពេលនេះ ទាំងអ្នកជំនួញ Note និងភិរិយា Patricia មិនទាន់ប្រកាសភេទកូននូវឡើយទេ​ ស្របពេលដែលមហាជនជាច្រើនបានសម្រុកអបអរដល់អ្នកទាំងពីរ ដែលជិតក្លាយជាឪពុកម្ដាយគេនាថ្ងៃខាងមុខ៕

ប្រែសម្រួល៖ សាង ស្រីល័ក្ខ

ចុចអាន៖តារា ថៃ ស្រករក្រោយ ៥ ដួង កំពុងសាងកេរ្តិ៍ឈ្មោះទាំងក្នុងនិងក្រៅប្រទេសនាពេលនេះ

ចុចអាន៖ហ្វេនរំភើបចិត្ត ក្រោយឃើញ Bella កាន់បាច់ផ្កាកៀកកើយមនុស្សម្នាក់